दक्षिण कोरिया । लोक दोहोरी तथा सेलो गायिका इन्दिरा गोले गुरुङको उपचारको लागि सहयोगार्थ लाबा ग्रुप दक्षिण कोरिया र नेपाल तामाङ घेदुङ दक्षिण कोरियाले सयुक्त रुपमा सञ्चालन गरेको सहयोग भभियान बाट संकलन भएको रकम हस्तान्तरण गरिएको छ ।
गायिका गोले विगत २ वर्ष अघि देखि प्राण घातक रोग क्यान्सर संग लडिरहनु भएको थियो । लामो समय सम्म उपचार गर्नुपर्दा आर्थिक भार परेपछि नेपाल तामाङ कलाकार संघ र अन्य केही संस्थाहरुले विश्वव्यापी सहयोग अभियान सञ्चालन गरेको थियो ।
सोही अभियान अन्तर्गत दक्षिण कोरियामा लाबा ग्रुप र घेदुङको सहकार्यमा आन्तरिक रुपमा सहयोग अभियान सञ्चालन गरेको थियो । अभियान बाट संकलन भएको ३० लाख १२ हजार ३ सय ३३ कोरियन वन रकम सुक्रबार अभियान संयोजक योगेश लामाको खातामा जम्मा गरिदिएको हो । सुक्रबारको सटही दर अनुसार २ लाख ७७ हजार ५ सय १८ रुपैयाँ बराबर रकम नेपालमा जम्मा भएको छ ।
दक्षिण कोरियाको लागि लाबा ग्रुपमा प्रवन्ध निर्देशक शुभराज भोम्जनको संयोजकत्वमा सञ्चालन भएको अभियानमा १ सय जना भन्दा बढीले सहयोग गरेका छन् । सहयोग रकम घेदुङको सचिव निर योञ्जनको खातामा एकमुष्ट जम्मा गरिएको थियो ।
संस्थागत रुपमा लाबा ग्रुप र घेदुङ दक्षिण कोरियाले १ १ लाख कोरियन वन सहयोग गरेको थियो । बिभिन्न देशहरुबाट संकलन भएको सहयोग रकम भोली सनिबार तामाङ कलाकार संघले नेपाल तामाङ घेदुङ संघीय परिषदको कार्यालय चुच्चेपाटीमा पत्रकार सम्मेलन गरेर गायिका गोलेलाई हस्तान्तरण गर्ने कार्यक्रम रहेको छ । सहयोगि दाताहरुलाई लाबा ग्रुप र घेदुङ दक्षिण कोरियाले धन्यवाद समेत ज्ञापन गरेका छन् ।
