हेटौंडा / नेपाल आदिवासी जनजाति पत्रकार महासंघ ( फोनिज ) मकवानपुरको अध्यक्षमा नवराज वाईबा सर्वसम्मत चयन भएका छन्। शनिवार पत्रकार महासंघ मकवानपुरको सभाहलमा भएको संघकाे छैठौं अधिवेशनले वाईबाको नेतृत्वमा १३ सदस्यीय कार्यसमिति सर्वसम्मत चयन गरिएको हो । उपाध्यक्षमा सन्देश थिङ, सचिवमा मनिता राना, कोषाध्यक्षमा भुवन घलान, सहसचिवमा निशा गुरुङ सर्वसम्मत चयन भएका छन्। सदस्यहरुमा जमुना थिङ, सम्झना थापामगर, भुपेन्द्र राना मगर, अन्जना न्यासुर, दिव्यदृष्टि लामा, नवीन चाैधरी, रवीन्द्र वाईबा, विवेक सिन्तान सर्वसम्मत चयन भएका छन्। यसै गरी
फोनिज केन्द्रीय पार्षदमा कृष्ण सारु मगर, आदर्श थोकर, रन्जिता दङ्गोल, सुवर्णलाल श्रेष्ठ, उमेश राईलाई पठाउने सर्वसम्मत निर्णय गरिएको छ । फोनिजको प्रदेश पार्षद अशोकसुजन श्रेष्ठ, रुपा गुरुङ, जयराम मुक्तान, सुरेन्द्र थिके, राजकुमार स्याङ्बो, आशिष बल, बिशाल कुमार राईलाई पठाउने सर्वसम्मत निर्णय गरिएको छ ।
फोनिज मकवानपुरका निवर्तमान अध्यक्ष अशोकसुजन श्रेष्ठको अध्यक्षता तथा हेटौंडा उपमहानगरपालिकाकी मेयर मीना कुमारी लामाको प्रमुख आतिथ्यतामा अधिवेशन आयोजना गरिएको थियो ।
