हेटौंडा / मकवानपुरको मनहरी गाउँपालिकामा सोनाम ल्होछार वृहत साँस्कृतिक कार्यक्रम हुने भएको छ ।
बुधवार ल्होछार मुल समारोह समितिले पत्रकार सम्मेलनको आयोजना गर्दै २८६१ (डुल ल्हो) सोनाम ल्होछारको अवसरमा माघ १६ र १७ गते दुई दिने वृहत् साँस्कृतिक कार्यक्रम हुने सम्बन्धमा जानकारी गराएको हो । तामाङ समुदायको भाषा, भेषभुषा, सामाजिक संस्कार र सस्कृतिको संरक्षण एवम् प्रवद्वर्न गर्ने उद्देश्यले कार्यक्रम को आयोजना गर्न लागिएको आयोजकले जनाएको छ । कार्यक्रममा स्टलसँगै बाल उद्यानसहित स्थानीयस्तरको मौलिक खाना तथा तामाङ समुदायको परिकार रहने आयोजकले जनाएको छ । यसै गरी राष्ट्रिय कलाकार ज्योति मगरसहित अन्य कलाकारको साँस्कृतिक प्रस्तुति रहने ल्होछार मुल आयोजक कमिटी मनहरी गाउँपालिका वडा नं. ७, ८ र १९ का संयोजल सुरेशकुमार मोक्तानले जाकारी दिए । कार्यक्रममा करिव ८ लाख ५० हजार रुपैयाँ खर्च लाग्ने उनले बताएका छन ।
