आज माघ शुक्ल प्रतिपदा– तामाङ समुदायले विविध कार्यक्रम आयोजना गरी हर्षोल्लासपूर्वक २८६१ डुल , सा पुख्री ल्हो वर्गसोनाम ल्होछार मनाउँदै छन् । प्रत्येक वर्ष माघ शुक्ल प्रतिपदाका दिन विभिन्न कार्यक्रम गरी सोनाम ल्होछार मनाइन्छ । मुसा, गाई, बाघ, खरायो, ड्रागन , सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारमा १२ वटा जीवजन्तुका नामबाट ल्हो खोर्लो अर्थात् वर्ष चक्रका आधारमा हरेक वर्ष पुरानो वर्षलाई बिदाइ र नयाँ वर्षलाई स्वागत गरी धार्मिक र सांस्कृतिक विधिअनुसार यो पर्व मनाउने गरिन्छ । भूमिपूजा, कूलपूजा एवं दानदक्षिणा, ढोगभेट, नाचगान, मिठो परिकार बनाएर खाने र शुभकामना आदानप्रदान गरी यो पर्व मनाउने चलन छ । तामाङ जातिको बाहुल्य रहेको बागमती प्रदेशका विभिन्न जिल्लामा यो पर्व विशेष रुपमा मनाइन्छ । बागमती प्रदेशको राजधानी हेटौंडामा पनि ल्होछार मनाईदै छन् । हेटौंडा १० स्थित टिसिएन चौरमा पनि आज सोनाम ल्होछार पर्वको अवसरमा बृहत साँस्कृतिक काय्र्रक्रमको आयोजना गरिएको छ । कार्यक्रममा बोम्बो , लामा झाकी सहितको र्यालि प्रदर्शन हुने छन् । यसै गरसि ल्होछारको शुभकाना आदान प्रदान, सम्मान तथा तामाङ कलाकारहरुको साँस्कृतिक प्रस्तुति रहने छन् । आज सोनाम ल्होछारको अवसरमा सरकारले आज देशैभरि सार्वजनिक बिदा समेत दिएको छ ।
