हेटौंडा – जनता समाजवादी नेपाल मकवानपुरको जिल्ला अधिबेशनको बिषयलाई लिएर विवाद भएको छ । बिधि विधान र बिना जानकारी मनोमानी ढंगले अधिवेशन गर्न लागिएको भन्दै विरोध भएको हो ।
बिहिबार पत्रकार सम्मेलन सम्मेलन मार्फत प्रेस विज्ञप्ति जारी गर्दै जिल्ला अध्यक्ष सोमबहादुर घलानले सशक्त ढंगले आफ्नो गतिबिधि अगाडी बढाइरहदा पनि केन्द्रिय उपाध्यक्ष विद्युत बज्राचार्यले व्यक्तिगत रिस साँधि पार्टीलाई जबर्जस्त आन्तरिक विवादमा फसाई लथालिङ्ग पारिदिएको आरोप लगाउनुभएको छ । मनोमानी पूर्ण ढंगले व्यक्ति केन्द्रित हुने अधिवेशनको घोर भत्सर्ना गर्ने प्रेस विज्ञप्ति मार्फत जनाएको छ । संगठन विभागको विधिलाई समेत बेवास्ता गरी केही अराजक तत्वहरु जिल्ला अधिवेशन गराउन लागिपरेकोले त्यस तर्फ सचेत रहन पनि आग्रह गरिएको छ । पार्टीका जिल्ला अध्यक्ष सोम बाहादुर घलान, सचिव दिपक सिन्तान सहितको हस्ताक्षरित प्रेस विज्ञप्तिमा विवादित कार्यक्रममा राजनीतिक दल, राज्य संयन्त्र, पार्टी नेतृत्व पंगती पार्टी सदस्यहरु, पार्टी समर्थक र आम जन समुदायमा कार्यक्रममा उपस्थित नहुन समेत आग्रह गरेको छ ।
