हेटौंडा / मकवानपुरगढी–५ स्थित शारदा माध्यमिक विद्यालयले माध्यमिक शिक्षा परीक्षा (एसईई) २०८१ मा शतप्रतिशत नतिजा निकाल्दै उत्कृष्ट शैक्षिक सफलता हासिल गरेको छ । विद्यालयबाट परीक्षा दिएका २५ जना सबै विद्यार्थी उत्तीर्ण भएका छन् ।
उल्लेखनीय उपलब्धिको अवसरमा विद्यालयले मंगलबार एक औपचारिक कार्यक्रमको आयोजना गर्दै सफल विद्यार्थीहरू र अभिभावकहरूलाई माला लगाई सम्मान गर्दै खुशी मनाएका छन् ।
कार्यक्रमलाई सम्बोधन गर्दै गाउँपालिका अध्यक्ष दोर्जे लामा स्याङ्तानले पाँच वर्षे बहु–योजना बनाइएको उहाँले जानकारी दिनुभयो । उहाँले मकवानपुरगढीको समृद्धिको आधार शिक्षा, स्वास्थ्य, कृषि, पर्यटन र पूर्वाधारलाई मानेर अघि बढिरहेको उल्लेख गर्नुभयो । अध्यक्ष लामाले पाँच वर्षे योजनाको पहिलो वर्षमै शिक्षामा छलाङ मार्नुपर्ने लक्ष्य रहे पनि तत्कालीन समयमा त्यो सफल हुन नसकेको बताउनुभयो। तर निरन्तर प्रयास गर्दै जाँदा यस शैक्षिक वर्षमा उल्लेखनीय सफलता हासिल भएको भन्दै शारदा माध्यमिक विद्यालयको यस वर्षको शतप्रतिशत एसईई नतिजाले विद्यालयको नारा सकरात्मक सोच, उत्कृष्ट परिणामललाई पुष्टि गरेको धारणा व्यक्त गर्नुभयो । कार्यक्रमका प्रमुख अतिथि लामाले ए प्लस ल्याउने विद्यार्थी राजन नगरकोटीलाई नगद ११ हजार रुपैयाँ प्रदान गर्नुभयो । त्यस्तै, अन्य २४ जना विद्यार्थीलाई २५ सय रुपैयाँका दरले नगद पुरस्कार गाउँपालिकाको तर्फबाट वितरण गरिएको हो ।
हेटौंडा स्कुल अफ म्यानेजमेन्ट ९ज्क्ः० का क्याम्पस प्रमुख पुरन बहादुर जोशीले विद्यालयका सबै २५ जना विद्यार्थीलाई २५ सय–२५ सय रुपैयाँका दरले छात्रवृत्तिका रूपमा नगद सहयोग दिने घोषणा गर्नुभयो । विद्यार्थीको सफलतामा अभिभावकको भूमिका महत्वपूर्ण रहेको भन्दै, कार्यक्रममा अभिभावकहरूलाई पनि माला लगाएर सम्मान गरिएको थियो । उनीहरूका अनुहारमा गौरव र खुशी देखिन्थ्यो । औपचारिक कार्यक्रमपछि विद्यार्थी, शिक्षक, अभिभावक र स्थानीय बासिन्दाहरूको सहभागितामा विजयी र्याली निकालिएको थियो । र्याली विद्यालयबाट सुरु भई गाउँका विभिन्न टोल परिक्रमा गर्दै पुनः विद्यालयमै समापन गरिएको थियो । गत वर्षको तुलनामा यस वर्षको नतिजा उल्लेखनीय रूपमा सुधार भएको छ ।
२०८० मा १५।३३ प्रतिशत मात्र उत्तीर्ण भएका विद्यार्थीहरू यसपटक ४३।६६ प्रतिशत पुगेका छन् ।
