मुख्यमन्त्री बानियाँद्वारा खर्च कटौती र समयमै सेवा सुनिश्चित गर्न निर्देशन

हेटौंडा/ बागमती प्रदेशका मुख्यमन्त्री इन्द्रबहादुर बानियाँले मन्त्रालय तथा सरकारी निकायहरूमा अनावश्यक खर्च कटौती गरी आर्थिक सुशासन कायम गर्न निर्देशन दिएका छन् ।

बुधबार सचिवहरूसँगको बैठकमा उनले संचालन दक्षता, पारदर्शिता र समयमै सेवा वितरणलाई प्राथमिकतामा राख्नुपर्नेमा जोड दिएका छन् । मुख्यमन्त्रीले ‘काम नगरी तलब खाने’ प्रवृत्ति अन्त्य गर्ने, कर्मचारीको कार्यक्षमता वृद्धि गर्ने र सरकारी साधन–स्रोतको दुरुपयोग रोक्ने स्पष्ट निर्देशन दिए । साथै नीति, निर्णय र कार्यान्वयनको प्रणालीलाई मजबुत बनाउँदै समयमै नतिजा उपलब्ध गराउने विषयलाई प्राथमिकता दिन सबैलाई आह्वान गरेका छन् । उनले मन्त्रालय र निकायहरूलाई एकताबद्ध रूपमा सरकारका महत्त्वपूर्ण योजनाहरू समयमै सम्पन्न गर्ने जिम्मेवारीमा पनि जोड दिएका छन् ।

Advertisement