दक्षिण कोरिया / दक्षिण कोरियाको खाङवन वाञ्जुसीमा कार्यरत बागलुङ घर भएका केहरसिंह छन्त्यालको फोर्कलिफ्ट दुर्घटनामा परी घटनास्थलमै मृत्यु भएको छ। छन्त्याल शनिबार बिहान दुर्घटनामा परेका हुन्। तर, फोर्कलिफ्ट उनी स्वयं चलाइरहेका थिए वा अरू कसैले चलाउँदा दुर्घटना भएको हो भन्ने बारेमा अहिलेसम्म एकिन हुन सकेको छैन।
घटनास्थलको अवस्था सामान्य देखिए पनि छन्त्यालको मृत्यु भएको विषयमा शंका उत्पन्न भएको छ। घटना स्थल वरिपरि सिसीटिभी क्यामेरा नहुँदा घटनाको यथार्थ पत्ता लगाउन कठिन भएको बताइएको छ। उक्त घटनाको सत्यतथ्य छानबिनका लागि कोरियामा रहेका नेपालीहरूद्वारा माग गरिएको छ। मृतक छन्त्याल करिब आठ वर्षअघि कामको सिलसिलामा कोरिया आएका थिए।
उनी लोकदोहोरी गीत–संगीतका पारखी समेत थिए र विभिन्न सांगीतिक कार्यक्रमहरूमा प्रस्तुति दिँदै आएका थिए।छन्त्याल कोरियास्थित नेपाली समुदायमा चिनिएका व्यक्तिमध्ये एक थिए। यस घटनाबारे आवश्यक समन्वय भइरहेको गैरआवासीय नेपाली संघ ९ल्च्ल्ब्० दक्षिण कोरियाकी अध्यक्ष पार्वती मोक्तानले जानकारी दिएकी छन्।
