हेटौंडा/ बुद्धालिङ मिडिया प्रोडक्सनको प्रस्तुतिमा तयार गरिएको नयाँ सांगीतिक भिडियो ‘वाला वाला ग्राम्बा’ शुक्रबार एक विशेष कार्यक्रमका बीच सार्वजनिक गरिएको छ ।
लोक आधुनिक शैलीमा तयार गरिएको गीतमा तामाङ समुदायको सांस्कृतिक पहिचान, मौलिक भेषभूषा र नेपालको लेकालि परिवेशलाई आकर्षक ढङ्गले प्रस्तुत गरिएको छ । गीतमा प्रकाश तामाङ तितुङ, युद्ध लामा, विक्रम लुङ्वा र सुमिना लो का स्वर रहेका छन् । यी चारै जना कलाकारहरु तामाङ सेलो क्षेत्रमा निरन्तर सक्रिय रहँदै आएका पहिचानप्राप्त कलाकार हुन् । गीतका शब्द तथा संगीत चन्द्र कुमार दोङका हुन् भने कार्साङ लामाले पुन संयोजन गरेका छन् । गीतको मिक्सिङ सानु बाबु घिसिङले गरेका हुन् । सार्वजनिक गरिएको भिडियोमा युद्ध लामा, प्रकाश तामाङ तितुङ, विक्रम लुङ्वा र आकाङ्छा तामाङलगायत कलाकारहरूको आकर्षक अभिनय देख्न सकिन्छ । भिडियोको छायांकन दुर्गा श्रेष्ठ, सम्पादन र रङ संयोजन अनिल विष्ट प्यूठानीले गरेका छन् । भिडियोको निर्देशन तथा कोरियोग्राफी युद्ध लामाले गरेका हुन् ।
भिडियो तल हेर्नुहोस् ………………..
कलाकार विक्रम लुङ्वाका अनुसार, भिडियोले तामाङ संस्कृतिको मौलिकता, युवा पुस्ताको उत्साह र पहिचानलाई कलात्मक रूपमा प्रस्तुत गर्ने उद्देश्य राखिएको छ । कलाकार लुङ्वाले नेपाली लोक संस्कृतिलाई आधुनिक प्रविधिमार्फत नयाँ ढङ्गले प्रवद्र्धन गर्ने लक्ष्यका साथ भिडियो निर्माण गरिएको बताएका छन् ।
