- सउल /आउदै गरेको सलनालको अवसरमा सोलुखुम्बु सेवा समाज दक्षिण कोरियाको आयोजनामा हुदै गरेको चोमोलोङ्मा सांगीतीक सौंगात भाग -४ को विषयमा जानकारी दिनको लागि आउदो आइतवार जनवरी १४ तारिखको दिनमा सौलको दोङ्देमुन स्थित रहेको नेपाली थाइ रेष्टुरेण्टको सभाहलमा पत्रकार सम्मेलन हुने भएको छ ।
समाजले आपतकालिन राहत कोषको निर्माणको उद्धेश्य राखेर आउदै गरेको सलनालको दोश्रो दिन फेब्रुअरी १० तारिखमा चर्चित ब्याण्ड सबिन राइ एण्ड द फारह ब्याण्डलाइ कोरिया ल्याएर सांगीतिक कार्यक्रमको आयोजना गर्दै छ ।
उक्त कार्यक्रमको हाल सम्मको तयारीको विषयमा श्रोता दर्शक र सरोकारवालाहरु माँझ जानकारी दिनको लागि पत्रकार सम्मेलनको आयोजना गर्न लागेको संस्थाको अध्यक्ष राजु राइले जानकारी दिएका छन । पुर्वाञ्चल सरोकार समितिको समन्वयमा हुदै गरेको उक्त कार्यक्रममा थुप्रै राष्ट्रीय तथा स्थानिय ख्यातिप्राप्त कलाकारहरुको प्रस्तुती रहने छ ।
Advertisement
