राप्ती नदीमा बस खस्दा मृत्यु हुनेको संख्या १२

काठमाडौं / दाङ देउखुरीको राप्ती गाउँपालिका–१ भालुबाङस्थित राप्ती नदीमा पुलबाट बस खस्दा मृत्यु हुनेको संख्या १२ पुगेको छ । घनईते हुनेको संख्या १७ जना रहेका छन् ।

बाँकेको नेपालगञ्जबाट काठमाडौं आउँदै गरेको भे १ ख ३९१२ नम्बरको बस शुक्रबार राति साढे १० बजेतिर पुलबाट तल राप्ती नदीमा खसेको थियो । दुर्घटनामा एक महिला र ११ पुरुष गरी १२ जनाको मृत्यु भएको घटनास्थलमा रहेका राप्ती गाउँपालिकाका अध्यक्ष प्रकाश विष्टले जानकारी दिनु भयो । धेरैजसोको बसले च्यापिएर मृत्यु भएको जनाएको छ । घाइतेहरुलाई उपचारका लागि बुटवल र नेपालगन्ज अस्पताल पठाइएको छ ।

ईकान्तिपुरबाट साभार गरिएको