पोखरा । नेपाल तामाङ घेदुङ पोखरा महानगर समितिले पोखरामा पहिलो संस्करणको ‘खुला तामाङ सेलो नृत्य प्रतियोगिता’ आयोजना गर्ने भएको छ ।
मञ्जुश्री संवत् २८६० औं सोनाम ल्होछार डुक ल्हो ड्रागन वर्ग को अवसरमा आगामी ६ गते शनिबार न्यूरोडस्थित सिटी स्क्वायरमा खुला तामाङ सेलो नृत्य प्रतियोगिता तथा विविध सांस्कृतिक कार्यक्रम आयोजना गरिने कार्यक्रम संयोजक जसपाल पाख्रिन तामाङले जानकारी दिएका छन् ।
प्रतियोगितामा भाग लिनको लागि हालसम्म २० टिमले दर्ता गरिसकेको आयोजकले जानकारी दिएका छन् । प्रतियोगितामा भाग लिनको लागि आगामी शनिबार बिहान १० बजेसम्म टिम दर्ता गर्ने समय रहेको छ। सो प्रतियोगिताको विजेता समूहले नगद रु ३० हजार, ट्रफी र प्रमाणपत्र प्राप्त गर्नेछन् । यस्तै द्वित्तिय हुने समूहले नगद रु २५ हजार ट्रफी र प्रमाणपत्र हात पार्नेछन् भने तृतीय हुने टिमले नगद रु १५ हजार साथमा ट्रफी र प्रमाणपत्र प्राप्त गर्नेछन् । त्यसैगरी सान्त्वना स्थान हाँसिल गर्ने टिमलाई नगद रु १० हजार ट्रफीसहित प्रमाणपत्र प्रदान गरिने छ ।
तामाङ समुदायको संस्कृतिलाई संरक्षण, संबर्दण र प्रवर्दण गर्ने उद्देश्यसहित कार्यक्रम आयोजना गरिएकोले उक्त प्रतियोगितामा तामाङ समुदाय बाहेक अन्य समुदायका नृत्य समूहले पनि सहभागिता जनाउन पाउने जनाएको छ । सो प्रतियोगिताको निर्णायकहरुमा जसु गुरुङ, सुवास राई र अमन तामाङ रहने छन् भने गायक विश्व दोङ तामाङ र लक्ष्मी डिम्डुङ तामाङको सांगीतिक प्रस्तुती रहने आयोजकले जनाएको छ ।
श्रोतः सुनगाभा न्यज डटकमबाट साभार गरिएको ।
