शुभराज भोम्जन
दक्षिण कोरिया । नेपाली राजदूतावास दक्षिण कोरियाले बिबिध विषयमा अन्तरकृया कार्यक्रमको आयोजना गर्ने भएको छ । आउदो २४ फेब्रुअरीको दिन राजदूतावास परिसर सौलमा अन्तरकृया कार्यक्रमको आयोजना गरिने दूतावासले जारी गरेको सुचना पत्रमा उल्लेख गरिएको छ ।
दक्षिण कोरियामा कृयाशिल बिभिन्न संघ संस्थाहरुको नाम उल्लेख गरि जारी गरिएको सुचना पत्रमा उल्लेख गरेअनुसार कामदारहरुको समस्या र समाधानका उपायहरु, भ्वाईस फिसीङ, अनाधिकृत बैकिङ कारोबार, नेपाली विद्यार्थीहरुको समस्या र समाधानका उपायहरु,नेपाली समाज र स्थानिय सरकारबिचको सम्बन्ध र नेपाली समाजको भूमिका, नेपाल र कोरियाबीच कुटनैतिक सम्बन्ध स्थापना भएको ५० औं वार्षिक उत्सब मनाउने सम्बन्ध, नेपालको कला र सँस्कृतिको प्रचार/प्रसार तथा नेपाल डे मनाउने सम्बन्ध, कोरियन अध्यागमन कानुन उल्लघन र विभिन्न अभियोगमा कोरियाको जेलमा रहेको नेपालीहरुको विषयमा जानकारी दिने र समाधानको उपायहरु खोज्ने,गैरकानुनी प्रकृयालाई न्युनिकरण गर्ने कानुनी प्रकृयाबाट विप्रेशणलाई बढवा गर्ने सम्बन्ध, र कोरियामा सिकेको सिप र प्रबिधीलाई नेपालको बिकासमा लगाउने जस्ता यावत विषयहरुमा छलफल गर्ने उद्धेश्यले अन्तरकृया कार्यक्रमको आयोजना गर्न लागेको पत्रमा उल्लेख गरिएको छ ।
नेपाली राजदूतावासले जारी गरिएको पत्रमा उल्लेख गरेअनुसार कुनै महत्वपूर्ण सुझाबहरु भएमा दुतावासले उपलब्ध गराएको ईमेलमा सुझाबहरु अग्रीम पेश गर्न सकिने जनाएको छ । उक्त अन्तरकृया कार्यक्रममा तोकिएको भिति र समयमा उपस्थित हुनको लागि सबैमाझ आग्रह समेत गरिएको छ ।
