हेटौंडा/ पिपिआर रोग नियन्त्रण तथा रोकथामको लागि सप्ताव्यापी खोप अभियान सुरु हुदै छ । फागुन १६ गते भोलि देखि खोप अभियान सुरु हुने कृषि तथा पशुपन्छि मन्त्रालय बागमति प्रदेशले मंगलबार पत्रकार सम्मेलन गर्दै जानकारी दिएको हो । पिपिआर भेडा बाख्रामा विषाणुबाट लाग्ने घातक संक्रात्मक रोग भएकोले बागमति प्रदेशका १३ वटै जिल्लामा खोप अभियान एकै साथ सञ्चालन हुने भएको छ ।
यस आर्थिक बर्ष २०८०/ ८१ मा १२ लाख ६९ हजार खोप मात्रा रहेकोमा १३ लाख ५० हजार सप्ताव्यापि खोप कभरेज गर्ने लक्ष्य लिएको बागमति प्रदेश पशु पन्छि मन्त्रालयका सुचना अधिकारी अनुप अधिकारीले बताए । यसै गरी गत आर्थिक बर्ष २०७८/ ७९ मा ११ लाख ९० हजार खोप मात्रा रहेकोमा ८ लाख ३० हजार १८७ खोज कभरेज भएको थियो भने गत आर्थिक बर्ष १२ लाख ९४ हजार खोप मात्रा रहेकोमा ९ लाख ७९ हजार ९२९ खोप कभरेज भएको उनले जानकारी दिए । पिपिआर रोग नियन्त्रण तथा रोक थाम गर्ने र प्रदेशै भरी रोग न्युनिकरणका लागि जनचेतना फैलाउने अभियानको उद्देश्य रहेको जनाएको छ ।
यसै गरी बागमति प्रदेश कृषि तथा पशु पन्छि मन्त्रालयका सचिव राजेज्द्रमान कोईरालाले यस अभियानमा साडे २७ लाख भेडा बाख्रामा ५८ प्रतिशत मात्र कभरेज गर्नेे बताए । विगतको अभियानमा खोप लगाउन छुटेका र ३ महिना नाघेका भेडा बाख्रालाई खोप लगाईने बताए । पिपिआर विरुद्ध लगाएका खोपले ३ बर्ष सम्म काम गर्ने सचिव कोईरालाले बताएका छन् ।
