काठमाडौं । नेपालमा नास्तिकता फैलाउन अमेरिकी राष्ट्रपति जो बाइडेन प्रशासनले ५ लाख अमेरिकी डलर अर्थात् ६ करोड नेपाली रुपैयाँ भन्दा बढी रकम खर्च गरेको भनी त्यहाँका एक सांसदले दिएको अभिव्यक्ति यति बेला चर्चामा छ ।
फ्लोरिडाबाट जितेका रिपब्लिकन सांसद ब्रायन मास्टले उक्त प्रसंग कोट्याउँदै नेपालमा धार्मिक आस्थामा विश्वास नराख्ने मानिसहरुका लागि उक्त रकम किन खर्च गरियो भनी प्रश्न उठाएका हुन् । उनले यसअघि पनि गत सेप्टेम्बरमा यस्तै प्रश्न उठाएर अमेरिकी संसदमा विदेश मामिला समितिसमक्ष औपचारिक पत्र लेखेका थिए ।
दुई वर्षअघि रिपब्लिकन पार्टीकै अर्का सांसद तथा पूर्वसभामुख न्युट ग्रिनरिचले बाइडेनलाई पाँच लाख डलर धार्मिक परियोजनामा खर्च गरेको आरोप लगाउँदा यस्तै वादप्रतिवाद चलेको थियो । मास्टको टिप्पणी रिपब्लिकन सिनेटरहरुले उठाउने गरेको प्रश्नकै निरन्तरताका रुपमा आएको देखिन्छ । मास्टले शुक्रबार अमेरिकी सिनेटको संसदीय समितिमा आठ मिनेट यही विषयको वरिपरि आफ्ना धारणा राखेका थिए । आफूले दिएको प्रस्तुतिलाई मास्ट आफैंले शुक्रबार ट्वीटरमा राखे ।
अमेरिकामा राष्ट्रपति चुनावको सम्मुख डेमोक्र्याट र रिपब्लिकन सांसदहरुबीच धार्मिक, लैंगिक, वातावरण र विभिन्न देशहरुबारे लिइएको नीति लगायतका विषयमा लगातार घोचपेच चलिरहेको छ ।शुक्रबार संसदीय समितिको आफ्नो प्रस्तुतिमा सांसद मास्टले बाइडेन प्रशासनका विदेश राज्यमन्त्री रिचार्ड राहुल बर्मालाई लक्षित गर्दै धर्मको विरोध र नास्तिकतालाई प्रवर्द्धन गर्न रकम नेपालमा किन पठाइयो भनी प्रश्न गरे । ‘आधा मिलियन डलर नेपालमा नास्तिकता फैलाउन पठाइएको छ, अहिले उनीहरु संसदमा झुटो विवरण दिनका लागि उपस्थित भएका छन्’, मास्टले दाबी गरेका छन् । अनलाइनखबरबाट साभार गरिएको ।
🚨 The State Department is hiding the truth from the American people and refusing to answer basic questions about their use of taxpayer dollars. 🚨
📺 LIVE NOW: I am chairing a hearing to demand transparency. Enough excuses. The American people deserve answers. pic.twitter.com/HeMoxPHjzu
— Rep. Brian Mast (@RepBrianMast) March 21, 2024
