शुभराज भोम्जन
दक्षिण कोरिया । नेपाली कथानाक चलचित्र महाजात्रा सौल शो हाउसफुल भएको छ । आपतकालिन् राहत कोष सहयोगार्थ सिन्धुपाल्चोक समाज दक्षिण कोरियाको आयोजनामा आइताबार दक्षिण कोरियाको सौल स्थित दोङदेमुनमा प्रदर्शन गरिएको महाजात्रा चलचित्र हाउफुल भएको हो ।
बिशाल आवाज मल्टीमिडीया प्रालीले दक्षिण कोरियाभर चलचित्र प्रदर्शण गर्ने अधिकार पाएको उक्त चलचित्र शौल शो प्रदर्शनको निम्ती प्रालीले तीस लाख कोरियन वनमा सिन्धुपाल्चोक समाजलाइ प्रदर्शणी अधिकार दिएको थियो । एक्कैदिन थुप्रै कार्यक्रमहरु भएता पनि महाजात्राले मनज्ञ दर्शकको साथ पाएको छ । आयोजकले दिएको जानकारी अनुसार तीन सय भन्दा बढी दर्शक हलमा चलचित्र हेर्न उपस्थित भएको जनाएको छ । समाजका अध्यक्ष राज लोप्चनले भने दर्शकको उपस्थिती बाक्लो भएता पनि संस्थाले अपेक्षा गरे अनुसारको नभएको बताएका छन् ।
अध्यक्ष लोप्चन भन्छन् “चलचित्र हेर्नको लागि ४ सय भन्दा बढी दर्शकको सहभागिता हुने आशा राखेका थियौ तर एक्कै दिन होली लगायतका थुप्रै कार्यक्रमहरु भएकाले त्यसो भएन ।”चलचित्र हेरे पश्चात अधिकांश दर्शकले आफुले तिरेको पैसाको फल उठेका बताउदै खुसी ब्यक्त गरेका थिए । चलचित्र प्रदर्शन कार्यक्रममा दक्षिण कोरियामा कृयाशिल बिभिन्न संघ संस्थाहरुको अध्यक्ष तथा प्रतिनीधिहरुको आतिथ्यता रहेको थियो । निर्देशक प्रदपि भट्टराइको लेखन तथा निर्देशनमा तयार भएको महाजात्रा चलचित्र केहीदिन देखि नेपाल संगै बिभिन्न देशहरुमा एक्कैसाथ प्रदर्शन भइरहेको छ । चलचित्रमा हरिबंश आचार्य, बिपिन कार्की, वर्षा राउत, शिशिर वाङदेल लगायतका थुप्रै कलाकारहरुले मुख्य भूमिका निर्वाह गरेका छन् ।
