शुभराज भोम्जन
दक्षिण कोरिया । राष्ट्रिय लोक तथा दोहोरीगीत प्रतिष्ठान नेपाल दक्षिण कोरिया शाखाद्धारा आयोजना गरिएको “सलनाल धमाका-२०२४” को आयव्यय सार्वजनिक गरिएको छ ।
आइताबार दोङ्देमुन स्थित दर्शन नमस्ते रेष्टुरेण्टको सभाहलमा औपचारिक कार्यक्रमको आयोजना गर्दै आयव्यय सार्वजनिक गरिएको हो । सलनाल धमाकाबाट आयोजकलाई ९४ लाख ६० हजार ८६ कोरियन वन मुनाफा भएको छ । जम्मा २ करोड ८७ लाख १० हजार ९ सय ४६ कोरियन वन बराबरको कारोबार भएको उक्त कार्यक्रममा १ करोड ९२ लाख ५० हजार ८ सय ६० कोरियन वन खर्च भएको देखाइएको छ ।
आइताबार प्रतिष्ठानले औपचारिक कार्यक्रमको आयोजना गर्दै सलनाल धमाका सम्पन्न गर्नको निम्ती सहयोग गर्ने सहयोगि दाता, संघ संस्था, मिडीया पार्टनर, प्रायोजक, कलाकार एबम् सहभागि दर्शकश्रोताहरुलाई धन्यवाद ज्ञापन गर्नुका साथै प्रख्य प्रायोजक, मिडीया पार्टनर र केही कलाकारहरुलाई सम्मान समेत गरेको थियो । आयव्यय सार्वजानिक कार्यक्रमा संस्थाका अध्यक्ष खिम छन्त्यालले अध्यक्षता गरेका थिए भने दक्षिण कोरियामा कृयाशिल बिभिन्न संघ संस्थाहरुको अध्यक्ष तथा प्रतिनिधीहरुको आतिथ्यता रहेको थियो ।
