शुभराज भोम्जन
दक्षिण कोरिया । थेजन नेपाली समाज दक्षिण कोरियाको आयोजनामा हुन लागेको नयाँ वर्ष २०८१ सालको अवसरमा शुभकामना आदान/प्रदान तथा साँस्कृतिक कार्यक्रमको तयारी पुरा भएको अध्यक्ष रमेश थापा मगरले जानकारी दिएका छन् ।
दक्षिण कोरियाको थेजन क्षेत्रमा रहेका नेपालीहरुको साँझा संगठन थेजन नेपाली समाजले नेपाली नयाँ वर्ष २०८१ सालको अवसरमा यहि सनिबार १३ अप्रिलको दिन साँझ ६ बजे देखि राती ११ बजे सम्म शुभकामना आदान/प्रदान तथा साँस्कृतिक कार्यक्रमको आयोजना गर्न लागेको हो ।
थेजन स्थित रहेको नेपाली कम्युनिटी सेण्टरको हलमा हुन लागेको उक्त कार्यक्रमको तयारी पुरा भइसकेको र कार्यक्रममा सहभागि हुनको लागि थेजन आसपास रहेको नेपालीहरुलाई आयोजकले आग्रह समेत गरेका छन् । ई.सं. २०१५ मा स्थापना भएको समाजले थेजन आसपासमा रहेका नेपालीहरुको बिचमा बिबिध सामाजिक कार्यहरु गर्दै आइरहेको छ ।
