शुभराज भोम्जन
दक्षिण कोरिया । विगत लामो समयदेखि स्टारेमिटको नामबाट सञ्चालनमा रहेको स्टारेमिट कम्पनीको नाम परिवर्तन भई फोनमनी रेमिटको नामबाट बम्पर अफर सहित सेवा सुचारु भएको छ ।
रेमिट सेवा र नेपालको दुईवटा बैंकहरुको सेवा समेत प्रदान गर्नेगरी फोनमनी रेमिटले आफ्नो सेवा सुचारु गरेको हो । फोनमनी रेमिटले दक्षिण कोरियाको सौल स्थित दोङदेमुन ३ नम्बर गेटमा रहेको केन्द्रिय कार्यालय मार्फत सेवाको सुचारु गरेको हो । रेमिट सेवा संगै इ-सेवा सम्बन्धी सेवाहरु दक्षिण कोरियाबाटै लिन सकिने छ । फोनमनी रेमिटबाट नेपालको लक्ष्मी सनराइज बैंकको OrangeNxt एप र नबिल बैंकको सेवा लिन सकिने छ । फोनमनीले नेपालको इ-सेवा मनीट्रान्सफर संग सहकार्य गरेर नेपालीहरुलाई छिटो र भरपर्दो तरिकाले पैसा पठाउने व्यवस्था गरेको छ ।
फोनमनी रेमिटबाट पैसा पठाउदा हालको लागि सर्भिस चार्ज नलाग्नेगरी सेवा प्रदान गरिरहेको बजार व्यवस्थापन प्रमुख राजन अधिकारीले जानकारी दिएको छ । इ-सेवा मनीट्रान्फरको ग्लोबल क्याम्पेन अन्तरर्गत इ-सेवा वालेटमा पैसा पठाउदा लक्की ड्र मार्फत काठमाण्डौंमा घर जित्न सक्ने बम्पर अफर समेत रहेको छ । घर जित्ने बम्पर अफरको लक्की ड्र असार महिनामा गरिने जनाएको छ । फोनमनी रेमिटले ग्राहक वर्गहरुको लागि मेगा अफरहरु पनि पस्किने तयारी गरिरहेको छ । हालको लागि दोङदेमुनको केन्द्रिय कार्यालयबाट सेवा सञ्चालन भएता पनि दक्षिण कोरियाको अन्य शहरहरुमा पनि शाखा कार्यालय स्थापन गरेर सेवा सुचारु गर्ने योजना रहेको जनाएको छ ।
