शुभराज भोम्जन
दक्षिण कोरिया । विगत लामो समय देखि दक्षिण कोरियामा कृयाशिल रहदै आएको पुर्वाञ्चल सरोकार समाज दक्षिण कोरियाले यहि अप्रिल २१ गतेका दिन आउदो छुससको लागि कार्यक्रम बाँडफाड गर्ने भएको छ ।
त्यसैगरी सोही दिन पुर्वाञ्चल सरोकार समाज र मातहतका संस्थाहरुको सयुक्त स्वामित्वमा रहेको सयुक्त कार्यालयको समेत उदघाटन गर्ने भएको छ । उक्त कार्यालयमा बिभिन्न कार्यक्रमहरुको आयोजना गर्न सकिने छ । नयाँ वर्ष २०८१ को शुभकामना आदान प्रदान गर्ने हेतुले कार्यक्रमको आयोजना गरेता पनि मुख्य दुईवटा विषयहरुलाइ पनि कार्यन्वयन गर्ने संस्थाका अध्यक्ष गजेन्द्र शेर्माले बताए । समाज र समाजमा आबद्ध संस्थाहरुको स्वामित्वमा रहनेगरी सञ्चालनमा ल्याएको कार्यालयको उदघाटन पश्चात आउदो छुसकमा कार्यक्रम गर्न चाहने संस्थाहरुको पत्र बुझेर कुनै एउटा संस्थालाई कार्यक्रम गर्ने अधिकार दिने जनाएको छ ।
पुर्वाञ्चल सरोकार समाज दक्षिण कोरियाले गएको सलनाल देखि नेपाली सम्पर्क समितिको मातहतमा रहेर कार्यक्रम गर्ने प्रचलनलाई तोडिदिएको छ । त्यसैको निरन्तरता स्वरुप यस पटक पनि पुर्वाञ्चलले आफ्नो नेतृत्वमा आफ्नो मातहतको जिल्लाहरुमध्ये कुनै एक जिल्लालाई कार्यक्रम गर्ने अधिकार दिन लागको हो । अध्यक्ष शेर्माले बताए अनुसार साँझा मुद्धाहरुमा सबै संग एक भएर जाने तर कार्यक्रम बाडफाँडको सवालमा भने केन्द्रिय प्रणालीलाई स्विकार्न नसकिने बताएका छन् । विगत लामो समय देखि छुसक तथा सलनाल जस्ता ठुला कोरियन पर्वहरुमा नेपाली सम्पर्क समितिले कार्यक्रम बाँडफाँड गर्दै आइरहेको थियो । तर समाजका अध्यक्ष शेर्माले विगतको दिनहरुमा पनि पुर्वाञ्चल सरोकार समाजले आफ्नो मातहतका जिल्लाहरुलाई कार्यक्रमब बाँडफाँड गरेर आयोजना गर्ने जिम्मा दिदै आइरहेकोले त्यसैको निरन्तरता मात्रै रहेको समाजका अध्यक्ष शेर्मा बताउछन् ।
