शुभराज भोम्जन
दक्षिण कोरिया । मेगा स्टार अनमोल केसी अभिनित नेपाली कथानक चलचित्र ‘फर्की फर्की’ को दक्षिण कोरियामा प्रदर्शनीको लागि बुकिङ खुल्ला गरिएको छ । चलचित्रको कोरिया राइटस् नमस्ते फ्याफुल्ला नेपाल कोरियन इन्टरटेन्मेन्ट प्रालिले पाएको छ ।
रोहित अधिकारी फिल्मस्को ब्यानरमा सुयोग गुरुङको लेखन तथा निर्देशनमा तयार भएको उक्त चलचित्रमा मेगा स्टार अनमोत केसी, जसिता गुरुङ,रबि काफ्ले, समृद्धि अर्याल लगायतका कलाकारहरुले मुख्य भूमिका निर्वाह गरेका छन् ।
बुद्ध जयन्तीको अवसर पारेर जेठ १० गते देखि देश तथा विदेशमा एक्कैसाथ प्रदर्शनीको तयारीमा रहेको उक्त चलचित्रलाई काफिया फिल्मस् र कुबेर फिल्मस्ले सामुहिक रुपमा वितरण गर्ने भएको छ ।
दक्षिण कोरियाको लागि नमस्ते फ्याफुल्ला नेपाल कोरियन इन्टरटेन्मेन्ट प्रालिले राइटस् पाए संगै दक्षिण कोरियामा चलचित्र प्रदर्शन गर्न चहाने व्यक्ति, समुह तथा संस्थाहरुको लागि बुकीङ खुल्ला गरिएको प्रालिका सञ्चालक बिक्रम बज्युले लाबा न्युजलाई जानकारी दिएका छन् । चलचित्रले राम्रो ब्यापार गर्ने अनुमान गरिएको छ ।
