दक्षिण कोरिया । दैलेख समाज दक्षिण कोरियाको तेश्रो अधिवेशन सम्पन्न भएको छ । आइतबार सौलको दोङदेमुन स्थित रहेको नेपाली थाइ रेष्टुरेण्टको सभाहलमा समाजको तेश्रो अधिवेशन सम्पन्न भएको हो ।
आइतबार भएको अधिवेशनबाट कलम कार्कीको नेतृत्वमा सर्वसहमत नयाँ कार्यसमिति गठन गरिएको छ । समितिको वरिष्ठ उपाध्यक्षमा सुजन कुमार बुढा, उपाध्यक्षहरुमा यमुना राना, युवराज शर्मा, रबिन्द्र बहादुर शाही, हर्क बहादुर शाही महासचिवमा पदम बहादुर खड्का, सचिवहरुमा हर्क बहादुर थापा, तिलक कोइराला, चक्रपाणी आचार्य कोषाध्यक्षमा शेर बहादुर कठायत चयन हुनुका साथै सदस्यहरुमा महेश रेग्मी, लाल बहादुर थापा, सागर शर्मा, विशाल चौलागाई, चन्द्र बस्नेत, लिलाराम शर्मा, विपुल रावल र रमेश रावल रहेका छन् ।
संस्थाका अध्यक्ष आत्मा पुरुष आचार्यको अध्यक्षतामा भएको अधिवेशनमा नेपाली राजदूतावास दक्षिण कोरियाका उप नियोग पुष्पराज भट्टराईको प्रमुख आतिथ्यता रहनुका साथै दक्षिण कोरियामा कृयाशिल बिभिन्न संघ संस्थाहरुका अध्यक्ष तथा प्रतिनिधीहरुको आतिथ्यता रहेको थियो ।
