जसपा नेपालबाट विभाजित भएको अशोक राई नेतृत्वको जसपा निर्वाचन आयोगमा दर्ता

काठमाडौँ । जनता समाजवादी पार्टी (जसपा) नेपालबाट विभाजित भएको जनता समाजवादी पार्टी लाई निर्वाचन आयोगले दर्ता गरेको छ । विभाजित पार्टीको अध्यक्ष अशोक राई रहेका छन् । निर्वाचन आयोगमा जसपाका सात सांसदसहितले नयाँ दलका लागि आइतबार निवेदन दिएको थियो ।

निर्वाचन आयोगको सोमबार बसेको बैठकले जनता समाजवादी पार्टी जसपा नेपालबाट विभाजित भई गठन भएको जनता समाजवादी पार्टीको दर्ता भएको हो । आइतबार जसपा नेपालबाट विभाजित भई नेता अशोक राई पक्षले आयोगमा दल दर्ताका निम्ति निवेदन दिएको थियो । सोही निवेदनमाथि आयोगले सोमबार निर्णय गर्दै दल दर्ता गरेको हो । निर्वाचन आयोगका सहायक प्रवक्ता रामदत्त पाण्डेयले राजनीतिक दलसम्बन्धी नियमावली, २०७४ अनुसार दल दर्ताको निर्णय गरिएको जानकारी दिए ।

Advertisement