दक्षिण कोरिया । सामाजिक कथा बस्तुमा बनेको नेपाली कथानक चलचित्र पुजार सार्कीको किम्हे बुशान शो मे २६ तारिखमा हुने भएको छ । नेपालका तिन स्टार कलाकारहरु आर्यन सिग्देल, प्रदिप खड्का र पल शाहद्धारा अभिनय गरेको उक्त चलचित्रको किम्हे-शो सल्याणी समाज दक्षिण कोरिया र कालिकोट समाज दक्षिण कोरियाको सयुक्त आयोजनामा हुन लागेको हो ।
कर्णाली प्रदेश समाज दक्षिण कोेरियाको सहजिकरणमा आपतकालिन् राहत कोष निर्माण सहयोगार्थ चलचित्रको प्रदर्शन गर्न लागिएको हो ।
किम्हे स्थित काया विश्वविद्यालयको हलमा प्रदर्शन गर्न लागिएको उक्त चलचित्र हेर्न आइदिनको लागि आयोजकहरुको तर्फबाट विशेष आग्रह समेत गरेका छन् । बिकास सुबेदीको लेखन र निदेश राउतको निर्देशनमा तयार भएको उक्त चलचित्र जेठ १० गते बुद्ध जयन्तिको दिन देखि नेपाल तथा विदेशमा एक्कैसाथ प्रदर्शनीको तयारीमा रहेको छ ।
पुजार सार्कीको दक्षिण कोरियाभर प्रदर्शनीको अधिकार भने सुर्खेत समाज दक्षिण कोरियाले लिएको छ । चलचित्रमा नेपालका तिन स्टारहरु आर्यन सिग्देल, प्रदिप खड्का, पल शाह संगै अञ्जना बराइली, परिक्षा लिम्बु, प्रेम सुब्बा, लोकेन्द्र लेखक, मोहन निरौला, सुबास गजुरेल, तारा शर्मा, विद्या कार्की लगायतका कलाकारहरुको मुख्य अभिनय रहेको छ । चलचित्र दिनेश भुसालको लगानिमा तयार भएको हो ।
