शुभराज भोम्जन
काठमाण्डौं । विगत लामो समयदेखि नेपाली खान्दोके सेलो गीत संगीतमा निरन्तर रुपमा लागिरहेका गायक तथा लय संकलक आस्मान लोप्चनको स्वरमा सजिएको ‘ओए मेरी मुन्नी’ बोलको गीत सार्वजनिक भएको छ ।
विशेषगरी मौलिक खान्दोके सेलो गीत गाउन रुचाउने लोप्चनले पछिल्लो समयमा आफ्नो जनरालाई फराकिलो पार्दै लगिरहेको छ । त्यसैको फलस्वरुप ‘ओए मेरी मुन्नी’ बोलको नेपाली डान्सीङ गीतको भिडीयो सहित बजारमा ल्याएको छ । गायक लोप्चन गाउनको लागि मात्रै नभइ शब्द रचना र संगीत भर्नमा समेत अब्बल रहेका छन् । लोप्चनको स्वरमा तयार भएको खान्दोके सेलो गीहरु बजारमा निक्कै चर्चा कमाइसकेका छन् । गायक लोप्चनले खान्दोके सेलोबाट आफुलाई बिस्तारै मुलधारको नेपाली गीत संगीत तर्फ पनि डोर्याइरहेका छन् जसको उदाहरण स्वरुप ‘सो माया सो सित’, ‘एस्सै रमाइलो’, ‘ओए मेरी मुन्नी’ लगायतका गीतहरुलाई हेर्न सकिन्छ । गायक लोप्चनले आफ्नै युट्युब च्यानल क्लिक नेपाल मार्फत बिहिवार ‘ओए मेरि मुन्नि’ बोलको नयाँ गीत रिलिज गरेका हुन् ।
गीतमा आस्मान लोप्चनको आवाज रहनुका साथै शब्द रचना उत्तम भेटवालको रहेको छ । त्यसैगरी संगीत रिमेस कुमारले गरेका छन् भने भिडियोमा आस्मान लोप्चन स्वयमले अभिनय गरेका छन् । भिडीयोमा आस्मानको अलवा मोडल कोरल थापा र भिमफेदी गाइज ग्रुपले अभिनय गरेका छन् । अतिथी कलाकारको रुपमा मिस तामाङ २०२४ विजेता रिया लाामालाई समेत भिडीयोमा देख्न सकिन्छ । गीतको भिडियोमा निर्मल कुमार लामाको कथा र निर्देशन रहेको छ । भिडियोलाई पवन सुस्लिङले खिचेका हुन् । गीतको भिडीयोलाई निक्कै मेहनतका साथ खिचिएको देखिन्छ । बिशम आचार्यले एरेञ्ज गरेका छन् भने साजन शाहले मिक्सिङ गरेका छन् ।
भिडीयो सहित …
