शुभराज भोम्जन
दक्षिण कोरिया । नेपाली सम्पर्क समिति दक्षिण कोरियाको आयोजनामा एनसीसी रनिङ भलिबल कप २०२४ हुने भएको छ । प्रथम पुरस्कार २५ लाख वन रहेको उक्त भलिबल प्रतियोगिता ९ जुन २०२४ मा हुन लागेको हो ।
सुवनको आजु विश्वविद्यालयको खेल मैदानमा हुन लागेको उक्त प्रतियोगितामा सहभागि हुनको लागि २ जुन २०२४ सम्म टिम दर्ताको लागि समय तोकिएको छ । प्रतियोगितामा भाग लिनको लागि टिम दर्ता शुल्क ३ लाख ५० हजार कोरियन वन तोकिएको छ ।
सुरक्षित जिवन स्वास्थ्यमा ध्यान, खेलकुदमा बिकास राष्ट्रलाई देन भन्ने नाराका साथ आयोजना हुन लागेको उक्त भलिबल प्रतियोगितामा सहभागिताको लागि आयोजकले सार्वजानिक रुपमा आह्वान गरेका छन् ।
प्रतियोगितामा द्धितिय हुने समुहलाई नगद १५ लाख वन प्रदान गरिनुका साथै सान्त्वना पुरस्कारको रुपमा ५ लाख वन प्रदान गरिने छ । पछिल्लो समय दक्षिण कोरियमा फुटबल, भलिबल, क्रिकेट, ब्याटमिण्टन, पुल जस्ता थुप्रै खेलहरुको आयोजना हुदै आएको छ ।
खेलकुदको माध्यमद्धारा नेपालीहरु बिचमा परस्पर सम्बन्ध स्थापना गर्न र मानसिक समस्या न्युनिकरण गर्नमा मद्धत पु्गिरहेको छ ।
