हेटौंडा/ नेपाल सरकार गृह मन्त्रालय र बागमती प्रदेश आन्तरिक मामिला तथा कानुन मन्त्रालयद्धारा आयोजित दुई दिने सुरुक्षा गोष्ठि हेटौंडामा सम्पन्न भएको छ । गृहमन्त्रि लामिछानेले गोष्ठिलाई सम्बोधन गर्दे स्थानीय प्रशासनको उपस्थितिले पिडितका लागि भर र पिडकका लागि डर सिर्जना हुनुपर्ने धारणा राख्दै सबैलाई त्यस दिशामा खरो उत्रन निर्देशन दिए ।
प्रहरी समायोजन सम्बन्धी कार्य सम्पन्न गर्न कानुन तर्जुमा लगायत कार्यमा गृह मन्त्रालयले सक्रियतापूर्वक कार्य गरिरहेको बताउदै उनले राजनीतिक आवरणमा गैर संवैधानिक र गैर कानुनी गतिविधि हुन नदिन, नागरिकहरुले आफुमाथि शोषण दमन र उत्पीडन भएको र आर्थिक, सामाजिक, साँस्कृतिक रुपमा ठगिएको महसुश नगर्ने गरी कार्य गर्न, विकास निर्माण र सेवा प्रवाहका काममा ढिला सुस्ती र अनियमितता हुन नदिन, धार्मिक, सामाजिक र साँस्कृतिक सद्भाव विथोलिन नदिन सबै प्रमुख जिल्ला अधिकारी र जिल्ला सुरक्षा समितिलाई निर्देशन समेत गरे।नागरिका सबै प्रकारका गुनासाहरुलाई स्थानीय स्तरमै सुनुवाई गर्ने र समाधान गरी नागरिक सन्तुष्टि अभिवृद्धि गर्न निर्देशन दिए।
बहुजातिय, बहुभाषिक, बहुधार्मिक, बहुसाँस्कृतिक विशेषतायुक्त समाजमा विविधता वीच एकता प्रवर्द्धन गर्न स्थानीय प्रशासनले भूमिका खेल्नुपर्ने र सदियौं देखि मिलेर बसेको समाजलाई विखण्डित गर्ने, नागरिकहरुलाई नकारात्मक हिसावले प्रशिक्षित गर्ने तथा संविधान र लोकतन्त्र विरोधी गतिविधि भएमा त्यसलाई जानकारीमा लिन जरुरी रहेको गृहमन्त्रि लामिछानेले बताए । बागमती प्रदेश स्तरीय सुरक्षा गोष्ठिमा गृहमन्त्रि रवि लामिछानेले गोष्ठीमा भएको छलफलले प्रदेश भित्रको शान्ति सुरक्षा र अपराध नियन्त्रणलाई मजबुत बनाउन र सरकारका प्रयासहरुलाई नागरिक सरोकारका विषयमा केन्द्रित गर्न मद्दत पुग्ने र दुर्गम क्षेत्रका नागरिकहरुलाई सेवा प्रवाहलाई थप सहज बनाउन गोष्ठी महत्वपूर्ण कोशेढुङ्गा हुने विश्वास व्यक्त गरे ।
यसै गरी गोष्ठिमा बागमती प्रदेश भित्र रहेको जिल्लाहरुमा सुरक्षा चुनौति,अपराध नियन्त्रण,सेवम प्रवाह विकास सहजिकरण, प्रदेश भित्रका तेह्र वटै जिल्लाका प्रमुख जिल्ला अधिकारीहरुले माथि उल्लिखित विषयमा जिल्लाको अवस्था, देखा परेका समस्याहरु र जिल्ला सुरक्षा समितिको तर्फबाट भए गरेका कार्यहरु प्रस्तुत गरेका थिए
