हेटौंडा / मकवानपुरको भीमफेदी गाउँपालिका जुरीखेतमा बिहिबार टाटा सुमो दुर्घटना हुदा ६ जना घाइते भएका छन्।
भीमफेदी-कुलेखानी-काठमाडौं सडक खण्डमा काठमाडौंबाट हेटौंडातर्फ आउँदै गरेको बा.प्र. ०३-००१ ज ०२८० नम्बरको सुमो आफै अनियन्त्रित भएर बाटोको छेउको भित्तामा ठोक्किएर दुर्घटना भएको हो। यो कुरा बागमती प्रदेश प्रहरी कार्यालय हेटौंडाले बताएको छ।
दुर्घटनामा घाइते हुनेहरूमा रौतहटको कटहरिया नगरपालिका वडा नम्बर ४ बस्ने २० वर्षीय समिर रहमान, कटहरिया वडा नम्बर २ बस्ने २६ वर्षीया मनिषा ठाकुर, त्यही ठाउँ बस्ने २४ वर्षीय शेख जोबर, दोलखाको भिमेश्वर नगरपालिका वडा नम्बर ५ बस्ने ३२ वर्षीया मन्जु तामाङ, सर्लाहीको हरिवन नगरपालिका वडा नम्बर १ बस्ने २८ वर्षीया अनिता तामाङ र त्यही ठाउँ बस्ने २९ वर्षीया सर्मिला तामाङ छन्।
सबै घाइतेहरूलाई भीमफेदी स्वास्थ्य चौकीमा उपचार गरिएपछि डिस्चार्ज गरिएको प्रहरीले बताएको छ।
