शुभराज भोम्जन
दक्षिण कोरिया । भगवान गौतम बुद्धको २५६८ औं जन्म जयन्ती तथा नेपाल र कोरियाबीच कुटनीतिक सम्बन्ध स्थापना भएको ५० औं वार्षिकोत्सवको उपलक्ष्यमा नेपालमा बौद्ध धर्म विषयक गोष्ठी सुक्रबार दक्षिण कोरियामा सम्पन्न भएको छ ।
दक्षिण कोरिया स्थित नेपाली राजदूतावास, नेपाल पर्यटन बोर्ड, अन्तराष्ट्रिय साँस्कृतिक गुण रणनीति केन्द्र र बुद्धिजम् सम्बन्धी अध्ययन अध्यापन हुने दोङ्गुक विश्वविद्यालयको सयुक्त आयोजनामा नेपालमा बौद्ध धर्म सम्बन्धी विषयक गोष्ठी सम्पन्न भएको हो । दोङ्गुक विश्वविद्यालयको सभाहलमा सम्पन्न भएको उक्त गोष्ठीमा नेपाल र दक्षिण कोरियाली प्रतिनीधीहरुको बाक्लो सहभागिता रहेको थियो । गोष्ठीमा नेपालको तर्फबाट नेपाली राजदूतावास दक्षिण कोरियाका उप नियोग पुष्पराज भट्टराईले स्वागत मन्तव्य राख्नुका साथै लुम्बिनी कलेव अफ बुद्धिजम एण्ड हिमालय स्टडिज नेपालका कर्यकारी अध्यक्ष प्राध्यपक डाक्टर रमेश कुमार ढुंगेलले नेपालमा बौद्ध धर्मको इतिहास र अभ्यास सम्बन्धी विषयमा प्रस्तुती राख्नुभएको थियो ।
त्यसैगरी उक्त गोष्ठीमा बौद्ध धर्म दोङगुक विश्वविद्यालयको डीन प्राध्यपक सोनिल ह्वाङले लुम्बिनी, तिलौराकोट र पिप्रह्वाको विषयमा खोजमुलक प्रस्तुती राख्नुभएको थियो । कार्यक्रममा आयोजक संस्थाका प्रतिनीधीहरुको बाक्लो सहभागिता रहनुका साथै भारत लगायत दक्षिण कोरिया स्थित भारतीय राजदूतावासका प्रतिनीधिहरुको पनि आतिथ्यता रहेको थियो । उक्त कार्यक्रममा नेपाली राजदूतावास दक्षिण कोरियाकी राजदूत प्राध्यपक डाक्टर ज्योती प्याकुरेल भण्डारी भने प्रतिकुल स्वास्थ्यका कारण सहभागि हुन सकेको थिएन । नेपाल सरकारको तर्फबाट उप प्रधान तथा परराष्ट्र मन्त्री नाराणकाजी श्रेष्ठले भिडीयो मार्फत नेपाल कोरियाबीचको ५० औं वर्षगाठ, बुद्धजयन्ती र कार्यक्रको विषयमा धारणा राख्दै शुभकामना शन्देस राख्नुभएको थियो ।
