कमला केसी
दक्षिण कोरिया । दक्षिण कोरियामा सक्रिय पर्वत समाज दक्षिण कोरियाले दुई दिने बृहत् सांस्कृतिक कार्यक्रम,भेटघाट तथा बनभोज कार्यक्रम २०२४ आयोजना गर्ने भएको छ । आगामी अगस्ट महिनाको ३ र ४ तारीकका दिन दुई दिन सम्म “बृहत सांस्कृतिक, भेटघाट तथा बनभोज कार्यक्रम २०२४” आयोजना गर्न लागिएको हो ।
कोरियामा रहेर विभिन्न पेशा, व्यवसाय तथा रोजगारीको शिलशिलामा आबद्ध नेपाली दाजुभाई तथा दिदी बहीनीहरुबीच आपसी सद्भाव र मेलमिलापको विकास गर्ने उद्धेश्यले कार्यक्रमको आयोजना गर्न लागेको समाजका अध्यक्ष दिपक केसीले जानकारी दिनुभयो ।
विशेषगरी दक्षिण कोरिया स्थित विभिन्न पेशा व्यवासायमा आबद्ध पर्वतबासि दाजुभाई दिदी बहिनी विचको आत्मीयता र एकता अभिबृद्धि गर्ने अभिप्रायले उक्त बनभोज कार्यक्रम आयोजना गर्न लागिएको संस्थाका अध्यक्ष केसीले बताउनु भयो। कार्यक्रम गर्नका लागि सुविधा सम्पन्न बनभोज स्थल छनौट गरि छिट्टैनै स्थान तय हुने आयोजकले जनाएको छ । कार्यक्रमका सहभागि हुनका लागि आयोजकले सम्पुर्ण पर्वतेली दाजुभाई दिदीबहिनीका साथै नेपालीहरुमा पनि अनुरोध गरेको छ ।
