दक्षिण कोरिया । सिन्धुपाल्चोक समाज दक्षिण कोरियाको आयोजनामा वृहत भेटघाट तथा बनभोज कार्यक्रमको आयोजना हुने भएको छ ।
दक्षिण कोरियामा विभिन्न पेशा, व्यवसाय तथा रोजगारीको सिलसिलामा रहेका सिन्धुपाल्चोक बासीहरू बिचको आत्मीयता र एकता अभिवृद्धि गर्ने उद्देश्यले उक्त बनभोज कार्यक्रम आयोजना गर्न लागिएको अध्यक्ष राज लोप्चनले बताएका छन् । मनोरम दृश्य अवलोकनसँगै विविध मनोरञ्जनात्मक कार्यक्रम सहित सुविधा सम्पन्न बनभोज स्थल छनौट गरिएकोले कार्यक्रममा ब्यापक सहभागिता हुने विश्वास आयोजकले गरेको छ ।
बनभोजमा नेपाली परिकारको व्यवस्था गरिएको छ । सिन्धुपाल्चोक समाजद्वारा आयोजित उक्त रमाइलो बनभोज कार्यक्रमका लागि सहभागी शुल्क स्वरुप पुरुषलाई १ लाख र महिलाका लागी ८० हजार कोरियन वन निर्धारण गरिएको छ । बनभोज कार्यक्रममा सहभागि हुनको लागि सोलको दोङदेमुन र सुवनबाट बसमा जाने व्यवस्था गरिएको छ । कार्यक्रममा सहभागि हुनको लागि आयोजकले लाबा न्युज मार्फत आह्वान गरेका छन् ।
