हेटौंडा/ अस्तित्व ब्यान्डका सचिव, एवंम जेसिआई हेटौंडा लेडि बर्ष २०२४ कि कार्यकारी उपाध्यक्ष सरस्वति थिङको पिताको छैठौं स्मृतिमा रक्तदान कार्यक्रम भएको छ । अस्तित्व ब्याण्डको आयोजनामा शनिबार भएको उक्त रक्तदान कार्यक्रममा ५८ जनाले रक्तदान गरेका छन् ।
हेटौंडा – ८ स्थित निम चोकमा बृहत जनसहभागिताका साथ रक्तदान कार्यक्रमको आयोजना गरिएको थियो । अस्तित्व ब्यान्डको अध्यक्ष निर्जल पुडासैनिको अध्यक्षतामा र प्रतिनिधि सभा सदस्य दीपक सिंहको प्रमुख आतिथ्यतामा कार्यक्रम भएको थियो ।
कार्यक्रममा बागमती प्रदेश सभा सदस्य डम्बर तामाङ ,हेटौंडा -८ का वडा अध्यक्ष राम थापा, इलाका प्रहरी कार्यालय पशुपतिनगरका प्रमुखप्रहरी निरीक्षक दिनेश कुवँर , नेपाल रेडक्रस सोसाइटी मनहरिका उपशाखा उपसभापति खुसी कार्की एवंम अन्य संघ संस्थाका जनप्रतिनिधिहरुको उपस्थित रहेको थियो । यसै गरी अस्तित्व ब्याण्डले रक्तदान संगै विगत देखि विभिन्न सामाजिक साङ्गेतिक कार्यक्रम, युवा लक्षित कार्यक्रमहरु गर्दै आएका छन् ।
