हेटौंडा / अखिल नेपाल स्वतन्त्र विद्यार्थी युनियन (क्रान्तिकारी) र एकीकृत अखिल नेपाल शिक्षक सङ्गठन राक्सिराङ्ग गाउँ कमिटीको संयुक्त आयोजनामा राक्सिराङ्ग गाउँपालिकाका विभिन्न बिद्यालयबाट २०८० मा एसईई उत्तीर्ण विद्यार्थीहरूलाई सम्मान गरिएको छ ।
कार्यक्रमका क्रममा राक्सिराङ्ग गाउँपालिकाका विभिन्न विद्यालयबाट एसईई परीक्षामा सहभागी भइ उत्कृष्ट नतिजा ल्याउने २३ जना विद्यार्थीलाई सम्मानित गरिएको हो । सम्मान कार्यक्रमका प्रमुख अतिथि अतिथि नेकपा (माओवादी केन्द्र)को केन्द्रीय सदस्य एवम् बागमती प्रदेश सभा सदस्य कुमारी मोक्तानले समाज परिवर्तन र विकासको लागि शिक्षा महत्त्वपूर्ण भएको बताईन् ।
एकीकृत अखिल नेपाल शिक्षक सङ्गठन राक्सिराङ्ग गाउँ कमिटी अध्यक्ष अशोक थिङको अध्यक्षतामा भएको कार्यक्रममा नेकपामा (माओवादी केन्द्र) मकवानपुर जिल्ला संयोजक भीम पाख्रिन, सचिव वीर बहादुर घलान (ज्वाला) , जिल्ला समन्वय समिति मकवुनपुरका प्रमुख एबं अखिल क्रान्तिकारी फ्र्याक्सन इन्चार्ज ललित घलान, नेकपा माओवादी केन्द्र राक्सिराङ्ग गाउँपालिका ईन्चार्ज शुभरत्न गोले, राक्सिराङ्ग गाउँकमिटी अध्यक्ष हस्तबहादुर मोक्तान, अनेरास्ववियु (क्रान्तिाकरी) केन्द्रीय सदस्य राजेन्द्रकुमार मोक्तान, मकवानपुर जिल्ला अध्यक्ष बुद्धराज अर्याल, एकिकृत अखिल नेपाल शिक्षक सङ्गठन मकवानपुर जिल्ला सचिवालय सदस्य सन्देश तुम्सिङ मगर लगायतको आतिथ्यता रहेको थियो ।
