दक्षिण कोरिया । नेपाल मगर संघ, दक्षिण कोरियाको आयोजनामा अगस्ट १८ तारिकमा सुवन सहरमा रहेको मेगाबक्समा नेपाली कथानक चलचित्र घरज्वईको प्रदर्शन हुने भएको छ ।
नेपाली कथानक चलचित्र “घरज्वाइँ” को प्रदर्शनीको लागि सम्पूर्ण तयारी पुरा भएको अध्यक्ष तुल घर्ति मगरले जानकारी दिएका छन्। त्रिभुवन विश्वविद्यालयमा “मगर भाषा र संस्कृति अध्ययन“ विषयको पाठ्यक्रम निर्माण सहयोगार्थ “नेपाल मगर संघ, दक्षिण कोरियाले सुपरहिट चलचित्र “घरज्वाईं” कोरियाको शुवनको आत्याधुनिक सुबीधायुक्त हल मेगाबक्समा प्रदर्शन गर्न लागेको हो । अगस्ट १८ तारिक आइतबार मध्यान्ह १२ बजे बाट प्रदर्शन हुने चलचित्रको प्रवेश शुल्क तीन मान वन तोकिएको छ ।
कोरियाको बिभिन्न शहर हरुमा चलचित्र “घरज्वाईं” प्रदर्शन गर्न चाहने संस्था वा व्यक्तिले नेपाल मगर संघ, दक्षिण कोरिया लाई सम्पर्क गर्नको लागि आग्रह समेत गरेका छन् । मगर समुदायमा वर्षौंदेखि प्रचलित घरज्वाइँ संस्कृतिको कथामा आधारित भएर फिल्म बनेको फिल्ममा दयाहाङ राई, मिरुना मगर, शिशिर बाङ्देल, पुष्कर गुरुङ, बुद्धि तामाङ, भोलाराज सापकोटा, कविता आले, शिला आले, खड्कबहादुर पुन राज थापा, अनु थापा, सोनाम लामा लगायतको अभिनय छ । अनिल बुढा मगरको निर्देशनमा तयार भएको ‘घरज्वाइँ’ लाई जनक घर्ती मगरले निर्माण गरेका हुन् ।
