दक्षिण कोरिया । नेपाली सम्पर्क समिति दक्षिण कोरियाले अगस्ट २५ तारिक आइतबारको दिन दोङ्देमुन स्थित निक नेपाल ट्राभलको सभाहलमा नेपाली हिन्दु नारीहरुको चाड हरितालिका तीजको अवसरमा शुभकामना आदानप्रदान तथा दर खाने कार्यक्रमको आयोजना गर्ने भएको छ ।
सोही अवसरमा आउँदै गरेको कोरियन पर्व छुसकमा आयोजना हुन गइरहेको सांस्कृतिक कार्यक्रमहरुको विविध जानकारी सम्बन्धी पत्रकार सम्मेलन समेत गर्ने भएको छ। नेपाली हिन्दु नारीहरुको चाड हरितालिका तिजको अवसरमा कार्यक्रम गरेर शुभकामना आदान प्रदान गर्दा राम्रो हुने भएकोले कार्यक्रमको आयोजना गर्न लागिएको अध्यक्ष हरि प्रसाद खनालले बताएका छन् ।
सोही अवसरमा नेपाली सम्पर्क समितिद्धारा कोरियन पर्व छुसकको लागि बाँडफाँड गरिएको कार्यक्रमहरुको विषयमा जानकारी गराउने उद्धेश्यले पत्रकार सम्मेलन पनि गर्न लागिएको जनाएको छ । अध्यक्ष खनालले कार्यक्रममा सहभागि हुनको लागि अनुरोध समेत गरेका छन् ।
