दक्षिण कोरिया । कोरियन चाड छुसकको दोश्रो दिन सेप्टेम्बर १७ तारिखमा “सेलो नाइट विथ विश्व दोङ” को आयोजना हुने भएको छ । सौलको दोङदेमुन नजिक रहेको 서울특별시 성북구 동소문로20 나길47, 지하2층 8201호 हलमा साइनो ग्रुप दक्षिण कोरिया र लाबा ग्रुपको आयोजनामा सेलो नाइटको आयोजना हुन लागिएको हो ।
‘पुस्तकालय निर्माण सहयोगार्थ’ स्वरुप आयोजना गर्न लागिएको कार्यक्रममा नेपाल देखि आउने ख्यातिप्राप्त सेलो गायक तथा संगीतकार विश्व दोङको मुख्य प्रस्तुती रहने छ । सेलो गायक विश्व दोङ संगै स्थानिय कलाकारहरुको पनि प्रस्तुती रहने छ । स्थानीय कलाकारहरूमा डिजे सि मन, सेलो गायक मिलन दोङ, आशिष मोक्तान, गायक सुर्य रुम्बा, र्यापर इच्टुपा, नृत्याङ्गना प्रतिज्ञा लामा, सरस्वती तामाङ, अञ्जि तामाङ, स्यार्लिन तामाङ र नृत्यकार सन्नी थापा मगरको पनि प्रस्तुती रहने छ । सेलो नाइट कार्यक्रममा प्रमुख रुपमा सेलो गीत तथा सेलो नृत्य सम्बन्धी विशेष प्रस्तुती रहनुका साथै र्यापर र डिजेले पनि माहोल तताउने आयोजकले जनाएको छ ।
गायक विश्व दोङको भिसा लागिसकेको समेत आयोजकले जनाएको छ । कार्यक्रमको प्रवेश शुल्क ३ मान वन कोरियन तोकिएको छ भने भीआईपी टिकट शुल्क ५ मान वन तोकिएको छ । कार्यक्रमको तयारी तीब्र रुपमा चलिरहेको आयोजक संस्थाका कार्यकारी सदस्य निर योञ्जनले बताए । अन्य समाजहरुको कार्यक्रमलाई असर नपर्नेगरी १७ तारिखको राती कार्यक्रम गर्न लागिएको कार्यकारी सदस्य निर योञ्जनले बताएका छन् । कार्यक्रम राती ८ बजे देखि डोर ओपन भएर बिहान ६ बजे डोर क्लोज गरिने छ । कार्यक्रममा सहभागि भएर रमाइलो गर्नको लागि आयोजकले आग्रह गरेका छन् । पोस्टरमा उपलब्ध गराइएको नम्बरमा सम्पर्क गरेर टिकट अग्रीम बुकिङ गर्न सकिने जनाएको छ ।
