दक्षिण कोरिया । नजिकिदै गरेको कोरियन चाड छुसकको अवसरमा ‘नाना आङा धिम सहयोगार्थ’ सेप्टेम्बर १६ तारिख बुसानमा “छुसक नाइट डान्स पार्टी” आयोजना हुने भएको छ।
बिगत ६ वर्ष देखी नेपाल तामाङ घेदुङ ख्यङ्साङ् बुसान शाखाले बुसान किम्हेमा संचालन गर्दै आइरहेको महिला सेल्टर ” नाना आङा धिम ” सहयोगार्थ ख्यङ्बु गाइजले हरेक नयाँ वर्ष आयोजना गर्ने नाइट डान्स पार्टी यसपालि छुसकको पहिलो दीन अर्थात सप्टेम्बर १६ मा DJ SABIR र DJ SBD को साथमा हुने भएको हो। ख्यङसाङ बुसान क्षेत्रमा रहेको विभिन्न १५ ओटा संघ संस्थाहरु को सहयोगमा आयोजना हुने उक्त कार्यक्रमको प्रवेश शुल्क २ मान वन तोकिएको छ ।
किम्हे 시장 एनएच बैंक अगाडि बाटट कार्यक्रम स्थल सम्म जानको लागि बसको पनि व्यवस्था गरिएको जनाएको छ । कार्यक्रम 김해시 가야로 २०२ मा हुने तामाङ घेदुङ ख्यङ्साङ् बुसान शाखाको अध्यक्ष सोम योन्जनले बताएका छन् । विशेष गरी दक्षिण कोरियाको किम्हे बुसानमा रहनुभएको सम्पूर्ण नेपाली दाजू भाई दीदी बहिनीहरू लाई “छुसक नाइट डान्स पार्टी” मा उपस्थित भइ कार्यक्रम लाइ सभ्य र भव्य रुपमा सफल बनाउनको लागि आयोजकले आग्रह समेत गरेको छ।
