हेटौंडा / हेटौंडा खानेपानी व्यावस्थापन बोर्ड मार्फत २७ हजार वटा धारा मार्फत दैनिक साढे तीन करोड लिटर पानी वितरण भइरहेको छ ।
बोर्डले आज बितेको आर्थिक वर्ष २०८०।०८१ को प्रगती विवरण तथा आगामी आर्थिक वर्ष २०८१।०८२ को नीति तथा कार्यक्रम तथा बजेट सार्वजनिक गर्दै यसका विषयमा जानकारी दिएको हो ।
पहिले खानेपानीको अभाव हुने गरेको भएपनि अहिले भने पानीको अअभाब हुन नदिनका लागि समवेवहरु निर्माण गर्दै गएको र त्यस अनुसार काम गर्दै गएको खानेपानी बोर्डका अध्यक्ष प्रताप विष्टले बताए । अअहिले बोर्डबाट मासिक रुपमा एक करोड १६ लाख रुपैयाँको मासिक बिलिङ हुने गरेको बोर्डका निमित्त कार्यकारी निर्देशक विष्णु प्रसाद सापकोटाले बताए ।
हेटौंडामा रहेका खानेपानीका उपभोक्ता समितिहरुलाई पनि बोर्डमा ल्याउने र उनीहरुलाई पानी वितरणमा सहज बनाउँदै लगिएको बोर्डका सदस्य इन्द्र प्रसाद नेपालले बताए ।
