अर्जुन तुम्बापो
दक्षिण कोरिया । तुम्बापो समाज सेवा संघ, दक्षिण कोरियाको चौथो अधिवेशन यहीँ सेप्टेम्बर १६ तारिख सोमबारका दिन हुने भएको छ। अधिवेशनको तयारी तिव्र पारिएको बताइएको छ ।
‘शिक्षा, चेतना र प्रगतिको अभियान, वंश प्रेम र एकता तुम्बापोको पहिचान’ भन्ने मूल नाराका साथ २०१७ जनवरी २९ तारिखका दिन दक्षिण कोरियाको आन्सान शहरमा गजेन्द्र तुम्बापोको अध्यक्षतामा दक्षिण कोरियामा पहिलोपल्ट संघ गठन भएको थियो। संघले दक्षिण कोरियामा कार्यरत तुम्बापो बन्धुहरूलाई आकस्मिक रुपमा हुने भवितव्य घटना, अन्य आइपर्ने समस्याहरूमा आपसी सरसहयोग सँगै तुम्बापो बन्धुहरूको एकताका लागि काम गर्दै आएको छ।
दक्षिण कोरियाको महान चाड छुसकको पावन अवसरमा सेप्टेम्बर १६ तारिख सोमबारका दिन दक्षिण कोरियाको सुवन शहरस्थित कामना रेष्टुरेन्टको सभाहलमा अधिवेशन हुन लागेको हो । तुम्बापो बन्धुहरूलाई अधिवेशनमा सहभागि हुनको लागि आग्रह समेत गरेका छन् ।
