हेटौँडा/ हेटौंडा उपमहानगरपालिका वडा नम्बर ६ स्थित गौरीटार रंगशालामा मकवानपुर जिल्ला लिग फुटबल प्रतियोगितामा सोमबार भएको र गोर्खा ब्वाइज क्लब र न्यू डाँफे युथ क्लबबीचको खेल १–१ गोलको बराबरीमा सकिएको छ ।
मकवानपुर जिल्ला फुटबल संघद्धारा आयाजित जारी प्रतियोगितामा आज सोमबार भएको पहिलो न्यू डाँफे र गोर्खा ब्वाइजको खेल बराबरीमा रोकिँदा दोस्रो खेलमा न्यू कम्बाइन एफसी २–० गोलअन्तरले मल्टिभिजनलाई हराउँदै विजयी भएको हो । न्यू डाँफे युथ क्लबका सुशान्त तामाङ र गोर्खा ब्वाइजका मनोज घलानले पहिलो खेलमो गोल गरेका थिए । म्यान अफ द म्याच भने गम्भीर थिङ घोषित भएका छन् ।
यस्तै गरीे सिमलटार खेलमैदानमा आजै भएको सानोपोखरा क्लब र हटिया स्पोर्टसक्लबबीच भएको पहिलो खेलमा सानोपोखरालाई १–० गोलअन्तरले हराउँदै हटिया स्पोर्टस् विजयी भएको छ । हटिया क्लबका साजन मोक्तानले निर्णायक गोल गर्दै म्यान अफ द म्याच घोषित भएका हुन् । यसै गरी सिमटारमा भएको दोस्रो खेलमा ७ नम्बर फुटबल क्लबलाई २–० गोलअन्तरले हराउँदै पदमपोखरी फुटबल सुमन थिङ र विवश थिङले एक–एक गोल गरी क्लबलाई विजय गराएका हुन् । यस्तै म्यान अफ द म्याच रोजल थिङ घोषित भएका छन् ।
