दक्षिण कोरिया । नेपाली राजदूतावास दक्षिण कोरियामा श्रम काउन्सेलरको भूमिकामा कार्यरत अन्द्रकला ओलीको बिदाई गरिएको छ । नेपाली सम्पर्क समिति दक्षिण कोरिया, नेपाल आदिवासी जनजाति महासंघ दक्षिण कोरिया, सोन्सिक र सम्पूर्ण प्रादेशिक संस्थाहरुको सँयुक्त आयोजनामा सम्मान तथा विदाई कार्यक्रमको आयोजना गर्दै श्रम काउन्सेलर ओलीको विदाई गरिएको हो ।
विगत दुई वर्ष देखि श्रम काउन्सेलरको भूमिकामा रही कार्य गर्दै आएकी ओलीले कोरियाली नेपाली संघ संस्थाहरु संग सहकार्य गरेर काम गर्दा निक्कै सहज भएको बताइन् । ओलीले आफ्नो ठाउँमा आउने नयाँ श्रम काउन्सेलरलाई पनि नेपाली संघ संस्थाहरु संग सहकार्य गरेर काम गर्न सुझाव समेत दिएका थिइन् । त्यसैगरी द्धित्तिय सचिवको रुपमा आएका जेनिम अधिकारीलाई स्वागत समेत गरिएको थियो । दोङदेमुन स्थित पुजा रेष्टुरेण्टको सभाहलमा भएको कार्यक्रममा बिभिन्न संघ संस्थाहरुको अध्यक्ष तथा प्रतिनिधिहरुको सहभागिता रहेको थियो ।
