बागमती प्रदेशसभाको अस्थायी भवन उद्घाटन

हेटौँडा /  बागमती प्रदेशसभाको अस्थायी भवन निर्माण सम्पन्न भई मंगलबार उद्घाटन गरिएको छ ।

हेटौँडा उपमहानगरपालिका–१० स्थित प्रदेशसभा सचिवालय परिसरमा बनेको भवनको उद्घाटन प्रदेशसभा सभामुख भुवनकुमार पाठकले गरेका हुन् । २०७७ मंसिरमा शिलान्यास भएको भवन १२ करोड ३३ लाख रुपैयाँ लागतमा प्रिफ्याब प्रविधिबाट निर्माण गरिएको हो । स्थायी संरचना निर्माणमा ढिलाइ भएपछि अस्थायी प्रयोगका लागि यो भवन तयार गरिएको हो । यसअघि प्रदेश सभा बैठक तत्कालीन क्षेत्रीय शिक्षा निर्देशनालयको सभाहलमा सञ्चालन हुँदै आएको थियो। नवनिर्मित भवनबाटै नवनियुक्त मुख्यमन्त्री इन्द्र बहादुर बानियाँले विश्वासको मत लिएका छा् ।

Advertisement