मकवानपुरका स्थानीय तहद्धारा ३२ करोड अनुदान फिर्ता

हेटौंडा / मकवानपुरका स्थानीय तहहरूले आर्थिक वर्ष २०८१÷८२ मा सशर्त अनुदानतर्फ खर्च गर्न नसकेको ३२ करोड २२ लाख रुपैयाँ फिर्ता गरेका छन् ।

कोष तथा लेखा नियन्त्रण कार्यालयका अनुसार जिल्लाका सबै १० वटै स्थानीय तहले योजना र कार्यक्रम समयमा कार्यान्वयन गर्न नसक्दा रकम फिर्ता भएको हो । सो वर्षमा सशर्त, वित्तीय समानीकरण, समपूरक र विशेष गरी विभिन्न शीर्षकमा रकम विनियोजन भए पनि सशर्त अनुदानतर्फकै ठूलो हिस्सा खर्च हुन सकेन । कार्यालय प्रमुख दिनेश रेग्मीका अनुसार कार्यक्रम समयमा सम्पन्न नहुनु मुख्य कारण भएको हो । त्यस्तै, बागमती प्रदेश सरकारले पनि सो वर्षमा ४९ करोड रुपैयाँ खर्च गर्न नसकी फिर्ता गरेको छ ।

Advertisement