मकवानपुर/ नेपाली संगीतको तामाङ सेलो इन्डस्ट्रीमा उदाउँदै गरेका कोरियोग्राफर, डान्सर, मोडल तथा निर्देशक आशिष लामाको नयाँ म्युजिक भिडियो ‘दारु सड्काउने’सार्वजनिक भएको छ ।
तामाङ सेलो इन्डस्ट्री क्षेत्रमा पछिल्लो समय सक्रिय रहेका आशिष लामाले यसअघि निर्देशन गरेका ‘ङाला स्टाइल’, ‘बब्बाल रो’, ‘माया पृति’ र ‘ब्रेकअप ताजिङाला’ जस्ता गीतमार्फत दर्शकमाझ छुट्टै पहिचान बनाइसकेका छन् । ती गीतहरूले विशेषगरी युवा पुस्तामाझ राम्रो लोकप्रियता हासिल गरेका थिए । सोही सफलतालाई निरन्तरता दिँदै ‘दारु सड्काउने’ मा पनि आधुनिक भिजुअल प्रस्तुत गरिएको छ । निर्देशक लामाले कोरियोग्राफी र निर्देशन दुवै पक्षमा आफ्नो क्षमता देखाएका छन् ।
vodeo link
भिडियोमा लामासहित मोडल याङ्गी डोङ र सृजना घिसिङको अभिनय देख्न सकिन्छ । कलाकारहरूको प्रस्तुति र नृत्य संयोजनले गीतलाई थप प्रभावकारी बनाएको छ । गीतमा गायक प्रकाश वाइबा र गायिका काजल तामाङको स्वर, गायक तथा संगितकार सञ्जीव घिसिङको संगीत तथा जोगलाल लामाको एरेन्ज रहेको छ। प्राविधिक पक्ष पनि सशक्त रहेको निर्माण टिमले जनाएको छ । तामाङ सेलो इन्डस्ट्रीमा निरन्तर सक्रिय रहँदै आएका आशिष लामा अहिले उदाउँदो र सम्भावनाशील निर्देशकका रूपमा स्थापित हुँदै गएका छन् । ‘दारु सड्काउने’ पनि सोही यात्रालाई अझ मजबुत बनाउने विश्वास गरिएको छ ।
