शुभराज भोम्जन
दक्षिण कोरिया । आउदै गरेको कोरियन पर्व सलनालको दोश्रो दिन १० फेब्रुअरीमा बाग्लुङ समाज दक्षिण कोरियाको आयोजनामा हुदै गरेको धौलागिरी सांगीतिक सौगात भाग ४ बाट कम्तिमा ३ करोड वन बराबरको मुनाफा हुने आयोजकले जनाएको छ । प्रवासी भूमिमा आपतकालिन राहत कोष स्थापना गर्ने उद्धेश्य राखेर आयोजना गर्दै गरेको उक्त कार्यक्रबाट हाल सम्मको अवस्थालाई अनुमान गर्दा कम्तिमा ३ करोड वन बराबरको फाईदा हुने देखिएको आयोजकले आईतबार पत्रकार सम्मेलन मार्फत जानकारी गराएको हो ।
टिकट मात्रै बिक्री गरेर कार्यक्रम पूर्ण रुपमा फाईदामा लान सक्ने अवस्था नरहेता पनि बिभिन्न सामाजिक ब्यक्तित्वहरु र ब्यवसायिक घरानाहरुबाट भएको सहयोगको आधारमा कार्यक्रम फाईदामा जान सक्ने अनुमान आयोजकले गरेको हो । हाल सम्म ४ करोड वन छेउछाउमा सहयोग रकम संकलन भैसकेको छ । कार्यक्रमको अन्तिम समय सम्ममा टिकट बाहेक सहयोगि दाताहरुबाट ५ करोड वन भन्दा बढी संकलन गर्ने लक्ष्य समेत रहेको कार्यक्रम संयोजक सुवास लामिछानेले बताए । एनसीसी दक्षिण कोरियाको कार्यक्रम बाडफाँड अनतरगत र गण्डकी प्रदेश समाजको समन्वयमा हुदै गरेको उक्त कार्यक्रमको अनुमानित खर्च ३ देखि ४ करोड वन बराबर रहेको समेत आयोजकले जानकारी दिएका छन् । धौलागिरी सांगीतिक सौगात हुने दिनमानै अन्य उस्तै प्रकृतिको ठुला सांगीतिक कार्यक्रम हुने भएता पनि उक्त कार्यक्रमबाट आर्थिक रुपमा खास्सै ह्रास नहुने आयोजकको दाबि रहेता पनि रात्रिकालिन कार्यक्रमहरुले भने आंशिक रुपमा असर गर्ने आयोजकको स्विकारोक्ति रहेको छ ।
हालसम्म १ हजार ५ सय टिकट बिक्री बितरणको लागि बिभिन्न संघ संस्थाहरु र बिभिन्न ब्यवसायिक स्थानहरुमा पठाईसकेको तर कत्ति मात्रामा टिकट बितरण भयो भन्ने कुनै बिवरण नभएको जनाएको छ । ब्यानरमा राखेर प्रचार गरको सबै कलाकारहरुको भिषा लागिसकेको र कार्यक्रमको अघिल्लो दिन सम्ममा सबै कलाकारहरु कोरिया आईपुग्ने जानकारी दिएको छ । उक्त कार्यक्रममा राजेश पायल राई, बशन्त थापा, सुबोध गौतम, शान्तिश्री परियार लगायत सात जना कलाकारहरुको प्रस्तुती रहने छ । कार्यक्रम आयोजना गर्दै गर्दा हल ब्यवस्थापन र नेपाल स्थित कोरियन एम्बेसीमा कलाकारहरुको भिषा अप्लाई गर्न डेट लिन थुप्रै सकस खेप्नु परेको जिल्ला अध्यक्ष भूमिराज भुसालले बताए । पत्रकार सम्मेलनमा एनसीसीको भूमिका प्रति प्रस्न उठ्दा तुलनात्मक रुपमा चित्तबुझ्दो रहेता पनि कार्यक्रम सफल पार्नको लागि समन्वयकारी भूमिका निर्वाह गर्दै गरेको गण्डकी प्रदेश समाजको अध्यक्ष प्रबिन गिरीले केही प्राबिधिक तथा नितीगत पक्षहरुमा खबरदारी समेत रहेको बताए ।
बाग्लुङ समाजले कार्यक्रमको तयारीको विषयमा जानकारी दिने उदेश्य राखेर दोङ्देमुन स्थित दर्शण नमस्ते रेष्टुरेण्टको सभाहलमा गरिएको पत्रकार सम्मेलनमा एनसीसी दक्षिण कोरियाका उपाध्यक्ष एवम् साँस्कृतिक समन्वय बिभाग प्रमुख हर्क विष्ट, गण्डकी प्रदेश समाजका अध्यक्ष प्रबिन गिरी, गैर आवसीय नेपाली संघ दक्षिण कोरियाका अध्यक्ष तथा बाग्लुङ समाज दक्षिण कोरियाका संरक्षक बिपिन कुमार गुरुङ, बाग्लुङ समाज दक्षिण कोरियाको अध्यक्ष भूमिराज भूसाल,कार्यक्रम संयोजक सुवास लामिछाने, नेपाल तामाङ घेदुङ दक्षिण कोरियाको अध्यक्ष राजकुमार स्याङतान र अन्य बिभिन्न संघ संस्थाको पदाधिकारी तथा प्रतिनिधीहरुको आतिथ्यता रहनुका साथै बिभिन्न सरोकारवाला संघ संस्थाको ब्यक्तिहरुको बाक्लो सहभागिता रहेको थियो ।
