शुभराज भोम्जन
दक्षिण कोरिया । किराँत राई यायोक्खा दक्षिण कोरिया छेजुदो शाखाको पहिलो अधिबेशनबाट कोपिल राईको नेतृत्वमा १५ कार्यसमिति चयन गरिएको छ । सनिबार छेजुदोको केसिटीयु हलमा भएको पहिलो अधिबेशनबाट राईको नेतृत्वमा पहिलो कार्यसमिति गठन गरिएको हो । किराँत राई यायोक्खा दक्षिण कोरियाको अध्यक्ष पुरन याम्फुको प्रमुख आतिथ्यतामा सम्पन्न भएको कार्यक्रममा छत्र रार्इृको विशिष्ट आतिथ्यता रहेको थियो ।
त्यसैगरी उक्त कार्यक्रममा छेजुदोमा कृयाशिल बिभिन्न जातिय तथा क्षेत्रीय संस्थाहरुको अध्यक्ष एबम् प्रतिनिधीहरुको आतिथ्यता रहेको थियो । अधिबेशनबाट बरिष्ठ उपाध्यक्षमा मोहन राई, उपाध्यक्षमा राजकुमार राई, सचिवमा निमेष राई, सह सचिवमा बिबेक राई, कोषाध्यक्षमा सन्दिप राई र सह कोषाध्यक्षमा जितेन राई चयन भएका छन् । त्यसैगरी सदस्यहमा सुवास राई, आसिष राई, पुर्ण राई, सुजन राई, सागर राई, पेसल राई र विकास राई चयन भएका छन् । अधिबेशनबाट सरिता राईलाई संरक्षकको रुपमा चयन समेत गरिएको छ । नव निर्वाचित अध्यक्ष राईले आउदो दिनहरुमा संस्थालाई निरन्तर रुपमा सबै संघ संस्थाहरुसंग सहकार्य गरेर संस्थाको उद्धेश्य मुताबिक अगाढी बढाउदै लैजाने प्रतिबद्धता समेत जनाएका छन् ।
