जन्मदिनको अवसरमा १३९ विद्यार्थीलाई ब्याग वितरण

हेटौंडा/ छोरीको जन्म दिनको अवसरमा १३९ विद्यार्थीलाई ब्याग र खाजा वितरण गरिएको छ । मकवानपुरको हेटौंडा उपमहानगरपालिका वडा नम्बर –५ निवासी स्याङ्बो दम्पति कालुमान र डोल्माले छोरीको जन्मदिनमा एउटा विद्यालयका विद्यार्थीलाई ब्याग तथा खाजा वितरण गरेका छन् ।

आइतबार हेटौंडा ५ निवासी स्याङ्बो दम्पति कालुमान र डोल्माले हेटौंडा–१२, पदमपोखरीस्थित व्रह्मदेवी प्राथमिक विद्यालयका विद्यार्थीहरुलार्ई सामाग्रि वितरण गरिएको हो ।स्याङ्बोले सरकारी विद्यालयमै पढेर सफल हुन सकिने भन्दै विद्यार्थीलाई निर्धक्कले पढ्न आग्रहसमेत गरेका छन् । कार्यक्रमका प्रमुख अतिथि रहेकी डोल्माले छोरीको जन्मदिनको अवसरमा सहयोग उपलब्ध गराउन पाउ“दा खुसी व्यक्त गरिन् ।

यसै गरी ब्याग तथा खाजा बितरण कार्यक्रममा नेपाल तामाङ घेदुङ जिल्ला समन्वय समिति अध्यक्ष कालु घलान, विद्यालय प्रधानाध्यापक गोकुलप्रसाद गौतम, जिल्ला समन्वय समिति मकवानपुर सदस्य सुमिरा लामा, समाजसेवीद्वय कमानसिं गोले र कृष्णबहादुर ब्लोन, नेपाल सैनिक श्रीमती संघ मकवानपुर सचिव लक्ष्मी श्रेष्ठ, नेपाल सैनिक श्रीमती संघ मकवानपुर कोषाध्यक्ष धनकुमारी लामा, महिला सेवा साकोस लेखा संयोजक गीता न्यौपाने, सिर्जनशील टोल विकास संस्था अध्यक्ष औतारसिं गोले र अभिभावक तथा विद्यार्थीलगायतको उपस्थिति रहेको थियो । कार्यक्रम विद्यालय व्यवस्थापन समिति अध्यक्ष मिलन ब्लोनको सभाध्यक्षतामा सम्पन्न भएको थियो ।