शुभराज भोम्जन
दक्षिण कोरिया । नेपाल तामाङ घेदुङ ख्याङसाङ बुसान शाखाले यस वर्ष स्थानिय कलाकारहरुको साथमा मात्रै ल्होछार मनाउने भएको छ । घेदुङ बुसान शाखाले यस वर्ष नेपालको राष्ट्रिय पर्व एबम् तामाङ समुदायको मौलिक साँस्कृतिक पर्व मञ्जुश्री संवत् २८६० डुक ल्होको अवसरमा सलनालको तेश्रो दिन ११ फेब्रुअरीमा खिमे स्थित लुम्बिनी रेष्टुरेण्टको सभाहलमा शुभकामना आदान प्रदान संगै स्थानिय कलाकारहरुको साथमा साँस्कृतिक कार्यक्रमको आयोजना गरेर मनाउने भएको हो ।
शुभकामना आदान प्रदान तथा बृहत साँस्कृतिक कार्यक्रमको तयारी पुरा भैसकेको समेत अध्यक्ष सोम योञ्जनले जानकारी दिएका छन् । घेदुङ बुसान शाखाले विगतको वर्षहरुमा नेपाल देखि अतिथी कलाकारहरु ल्याएर बृहत रुपमा साँस्कृतिक कार्यक्रमको आयोजना गरेर मनाउने गर्दथ्यो तर यस वर्ष भने समय अभाव र केही प्राबिधीक कारणहरुले गर्दा नेपाल देखि कलाकार ल्याउन असमर्थ भएको अध्यक्ष योञ्जनले बताए ।
नेपाल देखि कलाकार नल्याएता पनि स्थानिय कलाकारहरु आशिष मोक्तान, पेम्बा लामा, ईश्वर तामाङ, भावना योञ्जन, विदोद घिसीङ, प्रिती लामा, सर्मीला तामाङ, जुलिफा तामाङ,चन्द्र थिङ तामाङ, प्रित गोङबा, शोभा तामाङ लगायतका कलाकारहरुको गायन तथा नृत्य प्रस्तुती रहने छ । लुम्बिनी रेष्टुरेण्टको सभाहलमा ११ तारिखको दिनमा दिउसो १२ बजे देखि सुरुहुने कार्यक्रममा सहभागितको लागि संस्थाका अध्यक्ष सोम योञ्जनले लाबा न्यज मार्फत सार्वजानिक रुपमा आह्वान समेत गरेका छन् ।
