हेटौंडा/ खेलकुद पत्रकार मञ्च मकवानपुरले आयोजना गरेको खेलकुद पत्रकारिता तालिम शुक्रबार समपन्न भएको छ । मकवानपुरका ३७ जना सञ्चारकर्मिहरुको क्षमता विकासका लागि फुटबल संघ मकवानपुरले तालिम सञ्चालनमा सहयोग गरेको हो । खेदकुद पत्रकारिता तालिम हिजो बिहिबार देखि सञ्चालन भएको थियो । तालिमको पहिलो दिनमा सन्दिप मिश्रले प्रशिक्षण दिएका थिए ।
यसै गरी शुक्रबार सञ्चारकर्मिहरुलाई ३ सेसनमा प्रशिक्षण दिएका थिए । पहिलो सेसनमा खेलकुद पत्रकार प्रकाश तिम्सिनाले फुटबल रिर्पोटिङ,खेल हेर्ने कला, खेलकुद समाचार लेख्दा ध्यान दिनु पर्ने बिषयमा प्रशिक्षण दिएका थिए । तालिमको दोस्रो सेनेसनमा बिक्रम थापाले खेलकुद पत्रकारितामा कसरी अगाडि बड्ने जस्ता बिषयमा प्रशिक्षण दिएका थिए । तालिमको तेस्रो सेसनमा पवन आचार्यले समाचार के हो र खेलकुद समाचार लेख्दा ध्यान दिनु पर्ने बिषय र अन्य विविध बिषयको बिश्लेषण गरेका थिए ।
यसै गरी फुटबल संघ मकवानपुरका अक्ष्यक्ष टिका राम लामा र अन्य पदाधिकारीहरुले तालिममा संलग्न सञ्चारकर्मिहरुलाई प्रमाण पत्र वितरण गरी कार्यक्रमको समापन गरेको हो ।
