हेटौंडा/ राष्ट्र राष्ट्रियता,धर्म संस्कृति र नागरिक बचाउ अभियान अन्तर्गत चरण बद्ध आन्दोलन जनाउने भएको छ । अभियानको यातायात व्यवसायी चालक मजदुर संगठनको आयोजनामा उक्त अभियानको बार्षिक उत्सव र शान्तिपुर्ण आन्दोलन हुने भएको हो ।
यातायात व्यवसायी चालक मजदुर संगठनले सोमबार पत्रकार सम्मेलन गर्दै बार्षिकी र आन्दोलन गरिने बिषयमा जानकारी दिएको हो । कार्यक्रमको पहिलो दिन काठमाण्डौको भृकुटि मण्डपमा राजा ज्ञानेन्द्रले दिप बालेर कार्यक्रमको उद्धघाटन गर्ने यातायात व्यवसायी चालक मजदुर संगठन प्रमुख निरधोज खड्काले बताए । यस लगतै चरण बद्ध रुपमा शान्ति पुर्ण आन्दोलन चल्ने प्रमुख खड्काले जानकारी दिए । मकवानपुरबाट १० देखि १२ हजार अभियान्ता आन्दोलनमा सहभागि रहने बताए । देशका ७७ जिल्ला मध्य ७२ जिल्ला बाट ४ देखि ५ लाख अभियान्ता आन्दोलनमा जाने उने बताएका छन् । देशको अवस्था र व्यवस्था गलत भएको र गरीवले बाच्न पाउनु पर्छ भन्ने उद्देश्यले आन्दोलनको रहेको उनले बताएका छन् ।
